Ajansê Xeberan ê Rojnewso ke Başûrê Kurdîstanî de weşanan keno pare kerd ke muxabîrê înan Zûsik Hemed ameyo destbendkerdene. Asayîşê Çomanê venga Zûsikî da û dima o destbend kerd. Zûsik ame berdene bi Asayîşê Qezaya Soranî.

Merdimanê Zûsikî pare kerd ke o seba ke destbendkerdişê ciwananê Qesrê  medyaya dîjîtale de şermezar kerd û paştî da waştişanê înan ame destbendkerdene.

Zûsik Hemedî vilakerdişanê xo de waştbi ke selahîyetdarî wa goş bidê waştişanê ciwananser. Verî zî Rojnews maruzê tedaya hêzanê PDKyî bibi.