Meclîsê Xoserîya Demokratîke yê Şingalî (MXDŞ) bi şîarê 'Îdareyo Xoser pirdê resayîşê azadîye yo' kongreya xo ya 4. kerde.

Kongre de nuşteyê Rayberê Şarê Kurdî Abdullah Ocalanî yê derheqê êzidîyan de û mesajê şexsîyetanê muhîman û dezgehanê sîvîlan ameyî wendene û derheqê muhîmî ameyî girewtene.

Nê qeraran ra tayî wina yê:

''Semedê xoserîya Şingalî do projeyî bêrê amadekerdene teslîmê cayanê eleqedaran bibê.

Qerarê 9ê teşrîna verêna 2020î ma sey komployo ke binê binê qanûnî de ameyo amedekerdene hesibnenê. Qerarê ke îradeyê êzidîyan nas nêkene, ma qebul nêkenê.

Dewlete wazena Asayîşê Êzidxanî vila bikero. Çîyo winayên qetî nêno qebulkerdene.

Êyê ke binê serbanê meclîsê Asayîşê Êzidxanî de xebetanê xo raya benê hêzê asayîşê zereyî yê Şingalî yê.

Gureyo verên ê YBŞ û YJŞyî vervejîyayîşê vera îşxalkerdiş û letekerdişê Iraqî yo. Semedê pawitişê yewîya herre, Iraqo federel û demokratîkî û Şingalê xoserî têkoşîn kenê.

Ganî ma azadîya Rayberê xo sey azadîya xo bîvînê û semedê azadîya ci têkoşîn bikerê.

Ganî xebatê YBŞ, YJŞ û Asayîşê Êzidxanî bêrê xurtkerdene.

Seba ke Fermanê 73. sey qirkerdişî bêro qebulkerdene, ganî Iraq û warê mîyanneteweyî de têkoşînê sîyasî û huqûqî bêro xurtkerdene.

Seba ke şar peyser agêro Şingal, ganî xebatî bêrê xurtkerdene.

Seba Îdareyo Xoser heme şarê Şingalî temsîl bikero, ganî mîyanê şarî de xebata rêxistinkerdişî bêro destpêkerdene.''

Badê tesdîqkerdişê qeraran vîjnayîşê kongre ame kerdene. 111 endamê meclîsî ameyî vîjnayene. Hemserekîye rê Xezale Reşo û Haşîm Hecî ameyî vîjnayene. Heso Îbrahîm û Sêvê Emo zî sey hetkarê hemserekan ameyî vîjnayene.