Merkezê Çapemenî û Îrtîbatî yê HPG’yî nasnameyê 2 gerîlayanê YJA Starî eşkera kerdî.

Eşkerayî de nê ameyî parekerdene: ‘‘Senî ke ma vizêr zî eşkerayîya xo da dabi zanayene, operasyonê artêşa Tirkî yê qezaya Pîranî ya Amedî de 1’ê Gulane de herêma Xaçek de embazê ma Vîyane û Dîdare tewrê kerwanê şehîdan bîyî.

Nasnameyê gerîlayanê ke şehîd bîyî wina yê:

Nameyê Qodî: Vîyan Pirsuse

Name Peyname: Şehrîban Yontene

Cayê Biyayîşî: Pirsûs

Maye-Pî: Medîne - Nasir

Tarîx û Cayê Şehadetî: 1ê Gulane 2019 / Amed

Nameyê Qodî: Dîdar Andoke

Name Peyname: Sabîye Rençbere

Cayê Biyayîşî: Selmas

Maye-Pî: Sanîye - Huseyin

Tarîx û Cayê Şehadetî: 1ê Gulane 2019 / Amed

Hemra Vîyane Giredayîye Şarê Xo bî

Hemra Vîyana ke 1993 de Pirsûsê  Riha de ameya dinya serra 2011‘î de verê xo  dana  koyanê azadîye yê Kurdistanî û xeylî wext eyelatê Amedî de manena dime ra zî 2013 de yena Wareyê Pawitişî  yê Medya. Hemra Vîyane na herêma de wezîfeyê rayberîye kerdî  û morê xo da binê gureyanê muhîman ro. Hemra Vîyane ke her tim xeta Cinîya Azade de bi îdeolojîyê Rayberîye aver şîyêne  2015 de vera planê dişmenî yê çokdayîşî reyna verê xo da Vakûrê Kurdistanî. Embaze Vîyane do her tim bi giredayîya xo ya şarê Kurdî ma vîr de bo.

Hemra Dîdare Heskerdoxê Koyan bî

Hemra Dîdara ke 1992 de bajarê Selmasî yê Rojakewtêna Kurdistanî de ameya dinya  serra 2009’î de de bi grûbeka embazanê xo ya pîya tewê sefena gerîla bena. Hemra Dîdare ke tam yewe heskerdoxê koyan a seba ke vernîya  sefan de cayê xo bîgêro verê xo dana eyaletê Amedî û ûca de  wezîfeyanê erjîyayan kena.

Nê her di fermandarê ma yê erjîyayayî ke operasyonê îşxalî yê artêşa Tirkî yê 1’ê Gulane de bi şerkerdişê qehremankî  derbeyê girdî dayî dişmenî rê û şehîd bîyî, ma do mucadeleyê înan gird bikerê û biresnê serkewtişî. Şexsê merdimanê şehîdan de sereyê şarê ma weş bo.‘‘