Merkezê Îrtîbatî û Çapemenîye yê HPGyî nasnameyê 2 şehîdan eşkera kerdî û derheqê şehadetê înan de nê pare kerdî:

''Artêşa tirk a îşxalkere 26ê êlule de veraşan dewa Dêrşewî ya Koyê Gabarî yê Şirnexî ser o bombayî varnayî. Eynî herême de 28ê êlule de oeprasyonê leşkerî ame destpêkerdene û saetanê şanî de peyser ame antene. Nê operasyonî de embazê ma Simko û Amargî şehîd bîyî.

Zanayîşê nasnameyanê embazanê ma yê şehîdan  wina yê:

Nameyê Qodî: Simko Botan Name û Peyname: Naîf Bûldûk Cayê Bîyayîşî: Şirnex Maye-Pî: Emîne - Osman Tarîx û Cayê Şehadetî: 28ê Êlula 2020î / Gabar

Nameyê Qodî: Amargî Dorşîn Xerzan Name û Peyname: Çîçeke Benzer Cayê Bîyayîşî: Aydin Maye-Pî: Fatma - Abît Tarîx û Cayê Şehadetî: 28ê Êlula 2020î / Gabar

Embazê ma Simko ke bajarê serhildanan Cizîre de ameyo dinya, bi kulturê welatperwerîye yê keyeyê xo û şarê Cizîrê bi pîl. Hemrayê ma Simko ke birayê ci 1992 de Gabar şehdî bi hema serranê xo yê wirdîyan de dest pê têkoşînî kerd û gurayanê ciya ciyayan ca girewt la înan ci rê qîm nêkerd û 2011 de pîya bi embazanê xo yê Koma Muzîkê Nergîzên Botanî verê xo da koyan. Embaz Simko wextê Fermanê Şingalî yê 2014î de şi Şingal û xebatanê de rolêko pîl kay kerd. Hemra Simko 28ê êlule de Gabar de hela ke embazêkê xo yo birîndar xelisnayêne  şehîd kewt.

Embaza ma Amargî ya ke keyeyêkê welatperwerî yê Botanî de ameya dinya. Serranê 90an de keyeyê ci ra xeylêk kesî hetê dewlete ra ameyî kiştene. Rixmo ke keyeyê ci şehîdî dayî çirey vindertişê xo ra tewîz nêdayo. Embaza Amargî ya ke welatê xo rê hesret bîye pîle 2014 de tewrê sefanê gerîlayan bîye. Roja tewrbîyayîşî ra nata xeta azadîye ya cinîyan de xîret kerd ke bireso nasnameyê cinîya azade. Embaza ma Amargî operasyonê Gabarî de semedê pawitişê embazanê xo bale ante xo ser û xo embazanê xo rê kerd sîper û xeta fedaîtîye ya Bêrîtane û Zîlanan de bîye wayîrê tewirêkê destankî.

Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê. Ma soz danê ke do xeyal û waştişê embazanê xo bi serkewtişî tacîdar bikerê.''