HPGyî nasnameyê 3 gerîlayanê ke Metîna de şehîd bîyê eşkera kerdî û vat: ''Înan xeta fedayîtîye de bi xoverdayîşê xo pêser derbî dayî îşxalkeran ro. Ma do nê mîrasê xoverdayîşî yê ewladanê Kurdîstanî bi serkewtişî tacîdar bikerê.''
Merkezê Îrtîbatî û Çapemenîye yê HPGyî nasnameyê 3 gerîlayanê ke Metîna de şehîd bîyê eşkera kerdî. Eşkerayîye wina ya:
''Artêşa tirke ya îşxalkre operasyonê îşxalî yê vera Başûrî de teng bîya. Seba ke tengîye ra bixelisîya îşxalê xo ver bi Metîna hîra kerd û vera ney hêzê ma xoverdayîşê tarîxîyî rê dewam kenê. Seke Zap de bi Metîna de zî bi ruhê fedayî yê Apogîrî verê hêrişan ame girewtene û planê îşxalkeran ameyî pûçkerdene. Embazanê ma Rojhat, Alî û Bahozî serkêşîya çalakîyanê serkewteyan kerde, terzê tîmanê hereketînan bi serkewtişî ard ca û 5ê temmuze de bi qehremanî şehîd bîyî. Înan xeta fedayîtîye de bi xoverdayîşê xo pêser derbî dayî îşxalkeran ro. Ma do nê mîrasê xoverdayîşî yê ewladanê Kurdîstanî bi serkewtişî tacîdar bikerê.''
Nasnameyê embazanê ma yê şehîdan wina yê:
|
|
Nameyê Qodî: Rojhat Kurdistan Name û Peyname: Ferhat Otgen Cayê Bîyayîşî: Adana Maye-Pî: Hamdiye – Nimet Tarîx û Cayê Şehadetî: 5ê Temmuza 2022yî / Metîna |
|
|
Nameyê Qodî: Alî Tolhildan Name û Peyname: Metîn Karaboga Cayê Bîyayîşî: Dîlok Maye-Pî: Esmere – Resul Tarîx û Cayê Şehadetî: 5ê Temmuza 2022yî / Metîna |
|
|
Nameyê Qodî: Bahoz Bagok Name û Peyname: Ferhat Demirtaş Cayê Bîyayîşî: Mêrdîn Maye-Pî: Hanime – Aslan Tarîx û Cayê Şehadetî: 5ê Temmuza 2022yî / Metîna |
Embaz Rojhat mîyanê keyeyêkê mêrdînijî de Adana de dadîya xo ra beno. Embaz Rojhat verî xebatanê ciwanan de ca gêno. O rêçê xal û apê xo yê şehîdî de şino û verê xo dano koyan. O bi komêka embazanê xo Botan de tewrê gerîlayan beno. O Herêmanê Pawitişî yê Medya de perwerde gêno û beno gerîlayêko marîfetîn. Embaz Rojhat 2014 de derbazê Vakurê Kurdîstanî beno. O Botan de wextê xoverdayîşê xoîdarekerdişî de erkanê xo ano ca û dima reyna derbazê Herêmanê Pawitişî yê Medya beno, tîya de perwerdeyan gêno. O Metîna de yeno wezîfedarkerdene. O mîyanê tîmanê hereketînan de bi aktîfî vera artêşa îşxalkere têgêreno.
Embaz Alî mîyanê keyeyêkê sêrtijî de Dîlok de dadîya xo ra beno. Embaz Alî verî xebatanê ciwanan de ca gêno û şehadetê embazanê xo ra dima 4ê nîsana 2014î de tewrê gerîlayan beno. O cade adapteyê koyan beno û perwedeyî ra dima derbazê Avaşînî beno. Embaz Alî akademî de embazanê xo zî perwerde keno. O hem hetê pratîkî ra hem zî hetê îdeolojîkî ra beno fermandarêko serkêş. Dima Metîna de wezîfe keno û heta şehadetê xo zî xabatanê xo bi fedakarî ano ca.
Embaz Bahoz Mêrdîn de dadîya xo ra beno. embaz Bahoz verî xebatanê ciwanan de ca gêno dima wextê hêrişanê DAÎŞî de 2014 de tewrê gerîlayan beno. O vera DAÎŞî tewrê xeylêk çalakîyan beno. Emba Bahoz tim bi fedakarî têgêreno û embzanê xo de tecrubeyanê xo vila keno. Embaz Bahoz beno wayîrê pêro marîfetanê yew fermandarêkî/e û pêro wezîfeyanê xo zî bêkêmasî ano ca. O tim beno çimeyê moral û hêzî yê embazanê xo. Ma do heta peynî bibê perwerê mîrasê ey.''
