Merkezê Îrtîbatî û Çapemenîye yê HPGyî nasnameyê 3 gerîlayanê ke Amed de şehîd bîyî eşkera kerdî. Eşkerayîye wina ya:

''17ê gulana 2021î de warê Dorşînî yê qezaya Pasûrî yê Amedî de embazanê ma Agît û Sefkan wexto ke wezîfeyê xo ser de bîyî mabênê înan û artêşa tirke ya îşxalkere de pêkewtiş qewimîya. Nê pêkewtişî de xeylêk leşkerê dişmenî ameyî cezakerdene, embazê ma Agîto ke heta nefesê xo yê peyênî pê terzê Apogîrî şer kerd şehîd bi. Nê pêkewtişî de embaz Sefkan zî bi hawayêkê giranî bi esîrê dişmenî.

Nasnameyê embaz Agîtî wina yo:

Nameyê Qodî: Agît Cudî Name û Peyname: Îbrahîm Akdogmuş Cayê Bîyayîşî: Amed Maye-Pî: Salîha – Şakîr Tarîx û Cayê Şehadetî: 17ê Gulana 2021î / Amed

Embaz Agît qezaya Licê ya Amedî de dadîya xo ra bîyo. Embaz Agît 2011 de semedo ke hesabê qirkerdişan dişmenî ra biperso tewrê gerîlayan bi.  Embaz Agît bi taybet warê leşkerîye de cade xo aver berd û bi wayîrê tecrubeyan. Embaz Agît 2011-2012 de Amed de xeylêk çalakîyanê serkewteyan de ca girewt û serê dişmenî ra çeka rakerde. Ey hema ciwanîya xo de wezîfeyê fermandarîye girewt xo mil û semedê perwerdeyê îdeolojîkî akademî de ca girewt. Embaz Agîtî mîyanê partîye de xeylêk wezîfeyê krîtîkî kerdî û waştişê xo ser o reyna 2017 de şi Amed. Embaz Agîtî 4 serran Amed de binê şertanê zehmetan de vera dişmenî xeylêk çalakîyan rê rayberîye kerde. Israrê ey ê têkoşînî dişmen kerd teng. O tim bi çimeyê moral û hêzî yê embazanê xo.

Ma eşkerayîya xo ya 26ê hezîrana 2021î de dabi eşnawitene ke artêşa tirke ya îşxalkere 27ê nîsana 2021î de warê Şehîd Remzîyî yê Amedî de operasyonêk dabi destpêkerdene û nasnameyê 4 embazanê ke nê operasyonî de şehîd bibîy eşkera kerdbî. Ma newe nasnameyê embazan Têkoşîne û Jiyane tesbît kerdî. Wird embazanê ma yê cinîyan prosesê nê operasyonî de sey milîtananê cinîyan ê azadan heta nefesê xo yê peyênî şer kerd û şehîd bîyî.

Nasnameyê embazanê ma wina yê:

Nameyê Qodî: Tekoşîne Çiya Name û Peyname: Leyla Topçi Cayê Bîyayîşî: Amed Maye-Pî: Ayşe – Abdullah Tarîx û Cayê Şehadetî: 29ê Nîsana 2021î / Amed

Nameyê Qodî: Jiyane Gabar Name û Peyname: Meryema Suzucu Cayê Bîyayîşî: Sêrt Maye-Pî: Muazzeze – Bedrî Tarîx û Cayê Şehadetî: 29ê Nîsana 2021î / Amed

Embaza ma Têkoşîne qezaya Farqînî ya Amedî de dadîya xo ra bîya. Aye ciwanîya xo de xeylêk waranê têkoşînî de ca girewt. Prosesê xoverdayîşê xoîdarekerdişî ra dima embaze Têkoşîne 2016 de tewra gerîlayan bîye. Embaze Têkoşîne sîstemê serdestîya camêrdan gerîlatîya xo de hol ercnaye û tesîrê ci çin kerdî. Embaze Têkoşîne warê Amedî de xeylêk çalakîyan de ca girewt, qesasê embazanê xo girewt. Embaze Têkoşîne pê pratîkê xo çalakîyan de derbê giranî dayî dişmenî ro.

Embaze Jiyane Sêrt de dadîya xo ra bîya û vera hêrişanê dişmenî tewra gerîlayan bîye. Embaze Jiyane Başûrê Kurdîstanî de hetê gerîlatîye ra xo aver berd. Aye tim waşt ke Îdeolojîya Xelisîyayîşê Cinîyan a Rayber Apoyî fam bikera û nê esasî ser o biciwîya. Aye xîret kerd ke fikrê serê cinîye yê komelî bivurna û kesayetê xo de krîter û şertanê cinîya azade awan bikera. Embaze Jiyane têkilîyanê bi hemrayanê xo de bêhesab têgêraye û pê na taybetmendîya xo bîye mazhara heskerdişê embazanê xo.

Ma sere de keyeyanê ercîyayeyan ê embazanê xo rê  şarê welatperwerî yê Kurdîstanî rê serweşîye wazenê. Ma reyna soz danê şehîdanê xo yê çêran ke Rayberîya Azade û Kurdîstanê Azadî awan bikerê.''