Merkezê Îrtîbatî û Çapemenîye yê HPGyî nasnameyê 3 şehîdan eşkera kerdî.

Eşkerayîya HPGyî wina ya:

''Ma eşkerayîya xo ya 24ê temmuze de dabi eşnawitene ke warê Dûpişkî ya herêma Heftanînî de embazê ma Argeş, Reşat û Zinar hêrişê hewayî de şehîd bîyî. Zanayîşê derheqê embazanê ma yê şehîdan de wina yê:

Embazê ma Argeş Riha de dadîya xo ra bîyo. Hema ciwanîya xo de Argeş bi şahîdê zulmê dewlete û kewt peyê cigêrayîşan. Embaz Argeş netîce de binê tesîrê felsefeya Rayber Apoyî û Şorişê Rojawanî de mend û tewrê gerîlayan bi. Embaz Argeş hetê gerîlayan bi milîtanêko serkewte yê Rayber Apoyî û pêro wezîfeyê xo her war de ardî ca. 

Embazê ma Reşat Êlih de dadîya xo ra bîyo û domanîya xo de Têgêrayîşê Azadîye yê Kurdîstanî şinasna. Embaz Reşat serra 2014î de tewrê gerîlayan bi û wextêkê kilmî de bi aktîf. Embaz Reşat pêro cuya xo de bi sembolê durustî û zelalîye û bi layîqê îdeolojîya Rayber Apoyî. Embaz Reşat mazharê heskerdişê pêro embazanê xo bi.

Embaz Zinar Botan de dadîya xo ra bîyo û ciwanîya xo ra nata mîyanê Têgêrayîşê Azadîye yê Kurdîstanî de cagirewt. Embaz Zinarî têkoşînê xo de tim xeta fedayîtî kerde esas. Tim bi hawayêkê aktîfî tewrê xebatanê şorişî bi. Tewr peyên embaz Zinarî Heftanîn de bi qerardarî cewabê hêrişan dayî û binkewtişê dişmenî de rolêko pîl girewt xo mil.

Gerîlayê azadîye yê Kurdîstanî  xo goreyê raştîya şerî amade kenê û bi taktîk û terzê zengînî xo ver danê. Nê esasî ser o ma sere de keyeyanê ercîyayeyan ê şehîdan rê  pêro şarê Kurdîstanî rê serweşîye wazenê. Ma do wezîfeyanê ke embazanê ma yê şehîdan ma rê verdayî, û xeyalanê înan bîyarê ca.''