Merkezê Îrtîbatî û Çapemenîye yê HPGyî nasnameyê 4 gerîlaynê ke Botan de şehîd bîyî eşkera kerdî û nê pare kedî:

''Dewleta tirke 10ê êlul a 2020î de qezaya Şaxî ya Wanî de operasyon da destpêkerdene. Operasyonê di rojan de mabênê hêzanê ma û îşxalkeran de pêkewtişê giranî qewimîyayî. Hemrayê Canfeda Goyî û Hebûn Girêsipî yê ke koordîneyê operasyonî hedef girewt û derbê pîlî dayî dişmenî ro, bi şerkerdişê qehremankî tewrê kerwanê şehîdan bîyî. Zanayîşê nasnameyanê embazanê ma wina yê:

Nameyê Qodî: Canfeda Goyi Name û Peyname: Tekîn Yildirim Cayê Bîyayîşî: Şirnex Maye-Pî: Narînce  - Cemîl Tarîx û Cayê Şehadetî: 11ê Êlul a 2020î / Botan

Nameyê Qodî: Hebûn Girêsipî Name û Peyname: Xelîl Kavus Cayê Bîyayîşî: Kobanê Maye-Pî: Emine - Simsil Tarîx û Cayê Şehadetî: 11ê Êlul a 2020î / Botan

Operasyono ke 10-11ê êlule de warê Gelîya Masiro yê Şaxê Wanî de ame kerdene de hêzanê ma bi ruhê ''Dem Demê Azadîye yo'' derbê giranî dayî dişmenî ro. Hêzanê ma vera koordîneyê operasyonî çalakîya bitesîre kerde. Çalakîye de 5ê înan payeberzî bi desan îşxalkerî ameyî cezakerdene. Medyaya tirkî zî nêeşkayî hemeyan binimno û qismêkê ci  îtîraf kerd. Na çalakîya bitesîre de hemrayê ma Canfeda û Hebûnê ke bi ruhê mîlîtanîya apoyîye ci rê serkeşîye kerdêne heta guleyê xo yê peyenê şer kerd û tewrê kerwanê şehîdan bîyî. Ma soz danê ke ma do têkoşînê înan biresnê serkewtişî.

Ma eşkerayîya xo ya 19ê êlule de dabi zanayê ke 5ê êlule de Şaxê Wanî de dewleta tirke warê Masiro de operasyon dayo destpêkerdene û pêkewişê giranî qewimîyayî. Nê pêkewtişan de embazê ma Egîd û Mazlûm ê ke vera dişmenî bi hawayêkê qehremankî şerd kerd tewrê kerwanê şehîdan bîyî. Zanayîşê nasnameyanê embazanê ma wina yê:

Nameyê Qodî: Egîd Têkoşer Name û Peyname: Agît Abî Cayê Bîyayîşî: Colemêrg Maye-Pî: Fatma-Alî Tarîx û Cayê Şehadetî:5ê Êlul a 2020î / Botan Nameyê Qodî: Mazlûm Ronahî Name û Peyname: Mazlûm Pala Cayê Bîyayîşî: Wan Maye-Pî: Asya-Zekî Tarîx û Cayê Şehadetî: 5ê Êlul a 2020î / Botan

Embazê ma Egîd Têkoşer û Mazlûm Ronahî ke tarîxanê cîyayan de ameyî dinya, keyeyanê kedkar û welaperwer de bi hîkayeyanê xoverdayîşê PKK, Malûm Dogan û Fermandar Egîtî bîyî pîl. Hemrayanê ma yê ke bîyî layîqê nameyanê bimbarekan ê Egît û Mazlûmî  her warê têkoşînî de keda pîle daye. Têkoşîn û qehremanîya hemrayanê ma do tim rayîrê ma roşt bikero.

Sere de keyeyê erjîyayeyî yê hemrayanê me Canfeda, Hebûn, Egîd, û Mazlûmî wa sereyê heme şarê ma yê welatperwerî  weş bo. Ma soz danê ke ma do waştişê şehîdanê xo bîyarê ca.''