Merkezê Îrtîbatî û Çapemenîye yê HPGyî nasnameyê di şehîdanê YJA-Starî eşkera kerdî. Eşkerayîye wina ya:

''16ê hezîrana 2024î de Herêmanê Pawitişî yê Medya de hêrişê dişmenî de ewladê Wanî yê ercîyayeyî û şerwanê YJA-Starî embazê ma Ronahîye û Arîne şehîd bîyî.

Embazanê ma Ronahîye û Arîne krîteranê cinîya azade de bi tewirê xo yê qetî israr kerd û tim xo rê esas kerd ke bibê layîqê ked û bedelanê şehîdan û Rayber Apoyî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:
 

Embaza ma Ronahîye Wan de dadîya xo ra bena. Embaza ma Ronahîye ciwanîya xo de kewena peyê cigêrayîşan û 2014 de Wanî ra tewra gerîlayan bena. A Herêmanê Pawitişî yê Medya de perwerdeyanê verênan gêna û bi xurtî cade  tewra xebatan bena. Embaza ma Ronîye dima asta akademîke de zî tewra xebatan bena. A viraştişê tunelanê şerî ra heta tîmanê pisporîye xeylêk waran de erk kena. Embaza ma sey gerîlayêka YJA-Starî tim vera hêrişanê dişmenî xo ver dana û embaze Arîne reyde şehîd bena. Ma soz danê ke ala têkoşînî ya şehîdanê xo bi serfîrazî bikirişê.

Embaza ma Arîne Wan de dadîya xo ra bena. Tewrbîyayîşê kekê xoû Xoverdayîşê Kobanê ra dima embaze Arîne zî 2014 de tewra gerîlayan bena. Perwerdeyan reyde embaza ma bena gerîlayêka YJA-Starî ya marîfetîne û tim xîret kena ke bê kêmasî erk û mesuldarîyanê xo bîyarê ca. Embaza ma Herêmanê Pawitişî yê Medya de seba ke biba layîqa keda şehîdan têkoşînêkê xurtî kena. Şehadetê kekê xo Vedat Oklu-Tolhildanî ra dima zî embaza ma bi hêrsî asta xoverdayîşê xo bersêr kena û têkoşînê xo aver bena. Embaza ma  Arîne tim serkewtişê qetîyî xo rê kena esas. Şehadetê aye do bibo sebebê ma yê pîlkerdişê têkoşînî.''