Qezayanê Cizîr û Hezexî yê Şirnexî de polîsan nêverda ke endamê meclîsê şaredarîye yê Partîya Demokratîke ya Şaran (HDP) dekewê şaredarîye.

Cizîr û Hezex de endamê meclîsê şaredarîye yê HDPyî waşt ke tewrê kombîyayîşê mengane yê şaredarîye bibê. Nê şaredarîyî ameybî xespkerdene û înan rê qeyûmî ameybî tayînkerdene. Wexto ke endamanê meclîsî waşt ke debikewê bînaya şaredarîye polîsan verê înan girewt. Polîsan pare kerd ke ê do nêverdê endamê meclîsê şaredarîye yê HDPyî bikewê şaredarîye. Cizîr de endaman waşt wa semedê naye bêro eşkerakerdene û waştişname da mudirîyetê karê nuşteyan. Hezex de zî polîsan nêverda ke endamê meclîsê debikewê şaredarîye. Polîsan vat ke derheqê kombîyayîşî de teblîqatêk çin o û naye ra ê zî nêverdanê ke endamî debikewê şaredarîye.