Newala Qesaban de bi seyan gorê komkî yê armenî, keldanî û kurdî est ê ke ameyê qirkerdene. Newala Qesabana ke tede gorê komkîyî est ê, seba viraştişê bînayan yena pêşkêşkerdene. Bi desan rêxistinê komelê sivîlî vera na bire weriştî payan ser.

Rêxistinan derheqê babete de eşkerayîyêke daye. Eşkerayîye de ame vatene ke 1989 de Newala Qesaban de gorê komkîyî dîyayî û bira înşaatî hetê Walîtîya Sêrtî ra amebî vindertene. Rêxistinan ard ziwan ke derheqê goran de tehqîqat nêame kerdene û Newala Qesaban sey warê çopan şuxilîya.

Rêxistinan bale ante ser ke yeno waştene ke Newala Qesaban de bînayî virazîyê û vat: ''Tîya do bikerê bêvîr û bêameyoxî. Tîya de viraştişê bînaya bêedaletî, bêhûrmetî û sûc o. Ganî nasnameyê cenazayanê ke tîya ra ameybî vetene, tesbît bibê û hetê keyeyan ra bêrê definkerdene. Ganî Newala Qesaban hetê Neteweyanê Yewbîyayeyan ra bêra pawitene. Ganî ma wayîrê Newala Qesaban vejîyê.''

Nê rêxistin û komeleyan îmza eşte binê eşkerayîye:

“Baroyê Amed, Êlih, Şirnex, Wan, Mêrdîn, Colemêr, Semsûr, Çewlîg, Dêrsim, Qers, Riha û Sêrtî, Înîsiyatîfê Edalet û Hurmetê Seba Mergan (OSAÎ), Komeleya Heqanê Merdiman, (ÎHD), Weqfa Heqanê Merdiman a Tirkîya (THÎV), Weqfa Lêkolînên Civakî û Hiqûqî (TOHAV) Navenda Bîr û Edaletê, Komeleya Alîkarî û Piştevaniyê ya bi Kesên di Dergûşa Şaristaniyê de Xizmên Xwe Winda Kirine (MEBYA-DER), Komeleya Alîkarî û Piştgiriyê ya bi Malbatên Xizmên Xwe Windakirine ya Anadolûyê (ANYAKAY-DER), Odeya Bijîşkan a Amedê, Parêzerên Demokrat ên Azadîparêz (ODAV), Komeleya Hiqûqnasên Ji Bo Azadiyê (OHD), Komeleya Hiqûqnasên Hemdem (ÇHD), Komeleyên Rojhilat-Başûrrojhilat (DGD) û Hewldana 78’an.”