Merkezê Agirî de bi şîarê ''Rayberîya Azade, Komelo Demokratîk'' û ''Semedê Azadîye Newroza Komelê Demokratîkî'' şayîye ameye kerdene. Şayîye de şarî kincê neteweyîy dayî xo ra.

Şayîye de vengdayîşê ‘Haştîye û Komelê Demokratîkî’ yê Rayber Apoyî ame selamkerdene.

Endama Heyetê Rayberdişê Merkezî yê DBPyî Muazzeze Orhan şayîye de vat: ‘’Êyê ke îmhayê kurdan hedefê înan de bîyê, şîyê Îmraliyî. Înan ancî muracatê Birêz Ocalanî kerd. Vengdayîşî ra nata hema zî dewlete game nêeşte. Ganî dewlete game bierza.’’

Wekîlê Agirî Sirri Sakikî Qirkerdişê Kobanê şermezar kerd û vat: ‘’Birêz Ocalanî vano seba çareserîye ma tîya de yê la dewlete bombayan varnena şarê ma ser. Şima Rojawanî ra çi wazenê? Wa Rojawan qederê xo, xo tayîn bikero.’’

Dima adirê Newroze ame tavistene û şar dormeyê adirî de bi sloganan govende girewte. 

Şayîye de hunermend Jehrmar vejîya sehne ser.