Wan de şayîya Newroze ya biheybet a ke bi şîarê ''Wext wextê serkewtişî yo'' yena kerdene dest pê kerd. Bi seyan kesanê verê xo da warê Newroze. Şarê wanî bi slogana “Bijî Serok Apo / Biciwîyo Serek Apo''yî erd û asmênî zimennî.

Şayîya ke bi rêzgirwtişî dest pê kerd de slogana '2Şehîdî Nêmirenî'' bîye berz. Komîteya Amadekerdişî ra Ahmet Guvenî şarî spas kerd. Hemserka HDPyî ya Wanî Handane Karakoyun vat: ''Newroze xoverdayîş û têkoşîn o.'' Hemserekê HDPyî Wanî Fîkrî Doganî vat: ''Kurdî bi hezaran bedelan heta ewro ameyî, şima wayîrê nê bedelan vejîyayî. Weş û war bê.''

Bado ke hunermende Ayfer Duzdaş deyîrî vatî, Dayîka Haştîye Xacê Akdogana vejîyaye sehne. Akdogane vat: ''Ma tecrîdî qebul nêkenê. Ganî tecrîd cade bêro wedaritene. Ma nêwazenê çew bimiro. Ma haştîye wazenê.''

Badê qiseykeridşî memanê ke ameyî vejîyayî sehne. Dima ra adriê Newroze ame tavistene û sloganan govende ameye girewtene.

Wekîla HDPyî ya Êlihî Feleknase Uca vat: ''Newroze Bêrîtane, Mazlûm Dogan o. Ma wextê tarîxî ra ravêrenê. Şarê ma vera polîtîkaya qirkerdişî payra yo. Şima se kenê bikerê nêeşkenê vera têkoşînê ma bigêrê. Zîndanan de hêrişê leyminî yenê kerdene. Şima nêeşkenê ma rê çok bidê dayene. Şima do verê xoverdayîşê cinîyan ê kurdan çok bidê. Ma Newroze Wanî ra qîrênê. Êyê ke çimanê xo qefilnenê û goşanê xo gênê wa hole bizanê ke semedê azadîya Birêz Ocalanî têkoşînêko xurt yeno dayene. Roje roja azadîya Ocalanî ya. Şima se kenê bikerê nêeşkenê verê ma bigêrê.''

Badê qiseykerdişî şayîye bi deyîranê Koma Pelî dewam kerd.

Hetkarê Hemserekanê HDPyî Tayîp Temelî ke tîya qisey kerd vat: ''Adiro ke Mazlûm Doganî Zîndanê Amedî tafîne ewro resayo bi mîlyonan. Rayber, hemra û embazê ma yê têkoşînê ke zîndan de yenê tepiştene heta azadkerdişê înan têkoşînê ma do dewam bikero.''

Dima ra hemserekê HDPyî yo verên Sezaî Temelli qisey kerd. Temelli vat: ''Newroze vera tarîtîye serewedaritiş o.Ma vera zilmê ke kurdan rê yeno kerdene têkoşînê xo domnenê. Çade şer esto hewceyê muzakeran esto. Tîya muxatab Ocalan o. Ma do tecrîdî birijnê û a masaya muzekeran ronê.''

Fîlozof Noam Chomskyo ke dostê kurdan o ey zî mesajo bi dîmen şawit Newroza Wanî. Chomskyî vat: ''Şarê kurdî semedê azadîye û edaletî bi hewayêkê qehremankî têkoşîn kerd. Vera zextanê giranan bi serran xo verda û çok nêda. Sey têkoşînê înan serkewtişê înan zî  îlham dano.  No têkoşîn, no cehdkerdişo îstîsnayî de eke bineyke barê mi zî esto ez pê nê kêfweş a. Mi wexto nêzdî de Unîversîteya Rojawanî de qisey kerd. No çend serî verî  nêameyêne xeyalkerdene zî. No ganî binejno ma ke eke merdim biwazo eşkeno her çî bikero. No têkoşîn û serkewtişê kurdan semedê ma yew ders a. Xora do dewamê ci bêro û gamêke pîlêr bêrê eştene. Newroze pîroz bo! Birêz Ocalanî ser o tecrîd esto. No tecrîdo ke tesîrê şarê kurdî keno  ganî cade bêro wedaritene.''