Endamê Kongreya Demokrasî û Azadîye ya Rojhelatê Kurdîstanî (KODAR) Ferhad Pawe bi wesîleya Newroze ANFyî rê qisey kerd, mesajê Newroze da û sere de yê Rayberê Şarê Kurdî Abdullah Ocalanî Newroza pêro şaranê Kurdîstanî fîraz kerde.

Mesajê Paweyî bi kilmî wina yo:

''Newroze xo zereyî de wayîra manaya xoverdayîş, serewedaritiş û têkoşînê vera îşxalkeran a. Kurdî sey vizêrî ewro zî xoverdayîş û têkoşînê xo rê dewam kenê. Newroza emserîne Newrozanê bînan ra cîya ya. Çunke ma her wextî ra zêdêr nêzdîyê azadîye yê. Seke zanîyeno rejîmê Îranî û Tirkîya hê rijîyayîşî de têrî yê. Reyna rejîmo faşîst ê dewleta tirke vera gerîlayanê azadîye û kurdan her firsend de hêrişanê giranan keno.

Rejîmê Îranî wazeno ke Newroze kokê xo ra dûrî bivisno û manaya ci ra dûrî bikero. Vera ney ma wazenê ke sere de ê Rojhelatê Kurdîstanî wa pêro şarê ma çar parçeyanê Kurdîstanî û teberê welatî de bi xurtî tewrê şayîyanê Newroze bibê. Bi ruhê Newroza Amedî û bi ruhê xoverdayîşî yê Mazlûm Doganî beşdarê şayîyanê Newroze bibê, seba ke îşxal û hêrişê vera erdê ma biqedê têbigêrê. Ez roşanê serewedaritiş û xoverdayîşî yê Newroze fîraz kena. Wa biciwîye Newroze, biciwîyo Rayber Apo. ''