Kurdistan de cenazayê bi seyan kesan ê ke qedexeyê tebervejîyayîşî de hetê dewleta Tirkî ra ameyî qetilkerdene goristananê bêkesan de yê. Bi seyan cenaze yê ke dewlete nêdana merdimanê înan nê roşan de zî dûayan ra mehrûm ê.
Kurdistan de cenazeyê bi seyan kesanê ke qedexeyê tebervejîyayîşê ke 24’ê Temuz a 2015’î de ameyî despêkerdene hetê dewlete ra ameyî qetilkerdene goristananê bêkesan de yê. Dewlete bi waştişê merdeyan ra qesasgirewtişî dest nayo meyîtan ser.
16’ê Tebax a 2015’î ra heta 1’ê Hezîran a 2017’î Amed de 127, Mêrdîn de 32, Colemêrg de 20, Şirnex de 13, Bedlîs de 8, Êlîh de 3, Mûş de 4, Çewlîg de 5 Dêrsim de 5, û Xarpêt de yew rey temamî de 10 bajaran û tewr tay 43 qezayan de bi fermî tesbît kerde tewr tay 218 rey bêdem û heme roje qedexeyê tebervejîyayîşî ame îlankerdene.
Nê qedexeyan de hêrişê hêzanê dewlete de bi seyan kesî ameyî qetilkerdene û cenazeyê înan rixmê muracatê merdimanê înan nêdîyayî. Cenazeyî bajaranê cîya cîyayan de goristananê bêkesan de yê. Hetê bînî ra Dewa Oleka Jorî ya Bedlîsî de Goristanê Garzanî gorî ameyî weşanayene û 267 cenazeyî ameyî remnayene û nînan ra 265 cenazeyî 19’ê Kanûn a 2017’î ra Sazîya Tibê Edlîyî yê Stanbolî de yê. Nê roşan de zî bi seyan cenazeyi qûran û dûayan ra mehrûm ê û merdimê înan reyna bi hesereta gorêk kewenê roşan.
