Şubeyê Komeleya Huqûqnasan ê Azadan (OHD) yê Amedî derheqê tecrîd û grevê vêşanîye ke zîndanan de dewam keno de Parka Koşuyolu yê Baglarî de eşkerayîye daye. Xeylêk temsîlkdarê HDP, DBP û rêxisitinanê komelê sîvîlî tewrê ci bîyî.

Eşkerayîya ke hetê Hemserekê OHDyî yê Amedî Muharrem Şahînî ra ameye wendene de nê ameyî vatene:

''Seba ke Tirkîya de huqûq û qanûnî nînê caardene û heqê merdiman yeno binpaykerdene, zîndanan de grevê vêşanîye ame destpêkerdene. Sebebê grevî  polîtîkaya tecrîdî ya vera birêz Abdullah Ocalan û tepişteyanê binan a. Raporê rêxistinanê komelê sîvî de yeno vînayene ke herinda tedbîranê pandemî de hepîsxaneyî temamî de gerîyayî binê tecrîdî. Seba ke tecrîd bêro wedaritene grevê vêşanîye yeno kerdene. Ganî semedê qedîyayîşê grevî cade tecrîd bêro wedaritene. Eke hukmat waştişê tepişteyan mîyaro ca, netîceyanê nêwaştîşan ra do mesuldar bo. Ganî qerarê Mehkemeya Heqanê Merdiman a Ewropa cade bêro caardene û birêz Ocalan û tepişteyê bînî goreyê huqûqî heqanê xo bişuxulnê. Caardişê huqûqî teqdîr nê mecburî yo. Hema ke rewşa tepişteyan zaf xirab nêbîya ganî Wezîrîya Edelatî û rayapêroyîye vera înan hîsgêr bo.''