Serrgêra 42. a ronayîşê PKKyî de ke PKK bi perspektîfê neteweyê demokratîkî şorişê Rojawanî şaranê şorişgêran reyde û famkerdişê dîyalektîkê şorişê Rayber Apoyî-Rojawanî bêguman zaf girîng o. Tarîxê tekoşînî û şorişî yê şaranê bînan de bi hawayêkê bêrêxistinî û bêrayber şorişê bi hawayêkê serkewteyî zî bibî. La wexto ke babete kurdan û Kurdîstan bena heman dîyalektîk destî ra şino.
Kurdîstanî de ke hetê hêzanê mêtingeran û îşxalkeran ra ame parçekerdene, parekerdene û îdarekerdene, bê rayberî û rêxistînî ne serkewtişêko qijkek zî nêkeweno dest.Na rastîye tarîxê têkoşînê bêhempa yê 45 serranê PKKyî de pêro dewrê têkoşînî de ame dîyene. Merdim nêeşkeno rastîya Şorişê Rojawanî zî nê perspektîf û dîyalektîkî ra teber bifikîrîyo.

Rojawanê Kurdîstanî gore parçeyanê bînan ê Kurdîstanî hem hetê cografî ra hem zî hetê nufusî ra tayêr o, Rojawanê Kurdîstanî cepheyê têkoşînî de tewr vernî de ca girewt. Her çi bi birra Rayber Apoyî ya ke PKKyî ant Rojawanî vurîya. Rayber Apo netîceyê têkoşînê Vakurê Kurdîstanî û plan û polîtîkayanê caardişî yê Dewleta Tirke ya faşîste û mêtingere xorîn dî û rayberîya Mehmet Saît (Ethem) temmuza 1979î de bi hawayêkê birîskî derbazê Kobanê bîyî.Ê wextan Rojawanî de nameyê PKKyî û têkoşînê azadîye ser o ne tekilîyêke ne zî firsendêko qijkek estbi. Senî ke wextê ci ame Rojawanî de roja peyêne ra heta nika nameyê demokrasîyî, azadîye û neteweyê demokratîkî ser o bi ked, tewir û têkoşînê pîlî yê Rayber Apoyî ameyî meydan. Rayber Apo wexto ke newe şino Kobanê bi têkilîya Mehmet Saîtî keyeyêkê welatperwerî de maneno ke endamê Partîya Çepgîre yo.Rayber Apo wextêk keyeyê Partîya Çepgîre de maneno. Rayber Apo bi tedbîran Sûrîye de bi kamyew polîtîkayî eşkeno rol kay biko fikirîyeno û Mehmed Saîtî reyde ameyoxê 20 serran vîneno.

Ê serrî ke Sûrîye de maneno xebate û têkoşînê xo, bi vatişê ci paştê şêrî ser o birneno. Bi hesasbîyayîşî ê serranê xo ercneno. Prosesê averşîyayîşî dima yeno zanayene. Rayber Apo 20 serrî Sûrîye de maneno. Tewr zelal bi şorişê Rojawanî eşkera beno ke ê serran de se kerdo. Wexto ke Sûrîye de maneno bi têgerayîşê xelisnayîşî Fîlîstînî reyde têkilî keno. Bi nê hawayî partîya ma têkoşînê Fîlîstînî û Lubnanî de cepheyan de rol gêna.  Rayber Apoyî hetê bînî ra girîngîyêka pîle daye perwerdekerdişî û hişyarkerdişê şarê ma yê Rojawanê Kurdîstanî.Nika her çi pabesteyê dîyalektîkê averşîyayîşî yê têkoşînî yo. Tarîxê komelan de prosesê 7-8 serran helbet wextêko derg nîyo. La ganî bêro vatene ke şorişê Rojawanî destkewteyanê tewr girînganê pêro wextan mabênê 7-8 serran de rêxistin kerdî. Paradîgmaya Rayberîye Rojawanî de bîye wayîrê mana

Şorişê Rojawanî bêguman netîceyê xoverdayîşê PKKyî yo ke bi pêro ruhanê fedayîyan û keda 20 serran a Rayber Apoyî xo ard meydan. Paradîgmaya Rayber Apoyî û ruhê PKKyî Rojawanî de pratîzê bîyî û bîyî wayîrê mana. Serrgêra 42. a ronayîşê PKKyî de qetî yo ke no şorişo pîl seba ma şaran û pêroyê şaranê Rojhelatê Mîyanênî bibo semedê destkewteyanê tarîxîyanê pîlan.Prosesê şorişî bi pêro girîngîye û menaya xo dewam keno. Hema çîyêko temam bîye çin o. Bi menaya tarîxî erjê pîlî vejîyayî meydan. Nika ganî pêro Sûrîye, şarê Vakur û Rojhelatê Sûrîye, sere de şarê kurdan, merdimîya averwaze ya vera mêtingerîye û îşxalkerîye, şarê têkoşerî, ciwanî cinîyî û pêro dostê şorişî seba pawitişê şorişê Rojawanî seba statuyêk ganî xoverdayîş û têkoşîn geş bikê.