Avûkat Cahît Ertan îfade kerd ke grevê vêşanîye yê zîndanan beno ke se wextê verênî meseleyanê giranan xo reyde bîyaro û venga hukmayî da ke waştişanê tepişteyan qebul bikero.

Endamê Platformê Huqûqnasan ê Azadan (OHD) Cahît Ertan derheqê tecrîd û grevê vêşanîye de ANFyî rê qisey kerd.

Ertanî vat: ''Waştişo verên ê tepişteyan qedînayîşê tecrîdî yo.Tecrîd cezaya mîyanê ceza de ya û binpaykerdişê huqûqî yo. Seba ke no waştiş meşrû û heq o tepişteyî grevê vêşanîye kenê.''

Avûkat Ertaşî da zanayene ke pê bahaneya janî tecrîd resa astêka cîya û vat: ''Seba ke grevê vêşanîye yê zîndanan derbazê safhayêka newîye nêbo  ganî hukmat game bierzo. Merdiman verî zî vera tecrîdî grevê vêşanîye kerd. La eke no girev bi hawayêkê cîdîyî nêro ercnayene o çax grev vurîyeno rojeyê mergî. Coka ganî hukmat gamêke bierzo.''

Avûkat Ertanî venga pêro hemwelatîyan da û vat: ''Ganî teberî ra wayîrê grevê vêşanîye bêro vejîyayene. Zaf girîng o ke hêzê demokratîkî pê mesuldarî têbigêrê.''