Koordînayonê PAJKî bi wesîleya serrgêra Komployê Mîyanneteweyî yê vera Rayberê Şarê Kurdî Abdullh Ocalanî eşkerayîye daye.

Eşkerayîye de şexsê  şehîdanê 'Şima nêeşkenî tîja ma tarî bikerî' de heme şehîdê têkoşînê azadîye ameyî yadkerdene, Rayberê Şarê Kurdî Abdullah Ocalan ame selamkerdene  û nê ameyî vatene:

''Rayber Apo bi Komloyê Mîyanneteweyî yo ke sereyê ci  hêzê Amerîka, Îngîlîstan û Îsraîlî ancenê esîr ame girewtene û teslîmê Tirkîya bi. Rika heme komplo û hêrişanê hêzanê serdestan PKK û Rayber Apo yê ke hêvîya şaranê Rojhelatê Mîyanên, kurdan, cinîyan û cuya azade yê xeta xo ya azadî ra tewiz nêda. Rayber Apo ke her nasnameyê neteweyî, îtîqat û yewîya bianor ya demokratîk û edîle ya hetanê komelkîyan paweno darba mergî daya tewirê modernîteyê kapîtalîstî ro. Xora nê semedî ra bi hedefê komployê mîyanneteweyî la senî ke Rayber Apo zî vano bi têkoşînê şar û partîya ma no komplo pûç vejîya. Komployo ke pûç ame vetene yeno waştene ke bêro domnayene. Hêrişê îşxalî netîceya nê yê. Ma ganî sey şaranê Rojhelatê Mîyanênî vera komplokaran têkoşînî pîl bikerê. Têna wedaritişê tecrîdî nê ganî esaretê 22 serran bêro qedînayene. Azadîya Rayber Apoyî deynê milê ma yo

Sere de cinî û ciwanî ganî çarçewa Hemleya 'Tecrîd, Îşxal, Faşîzmî rê Bes o; Wext Wextê Azadîye yo' ya KCKyî û û Hamleya 'Pawitişê Cinîya Azade û Komelî' ya KJKyî, de têkoşîn bêro pîlkerdene. Na çarçewe de ma veng danê ke wa her kes tewrê çalakîyanê ''10ê Teşrîna Verêne Roja Azadîya Abdullah Ocalanî ya Dinya'' bibo.''