Parlamenteranê Têgêrayîşê Goranî, Komeleya Îslamî, Yekgurtîya Îslamî û Têgêrayîşê Neslê Neweyî yê  Parlamentoya Herêma Başûrê Kurdîstanî semedê paştdayîşê çalakwanan do dest pê grevê bikerê.

Başûrê Kurdîstanî de çalakî û nawnayîşê vera bêusûlî, bêkarî û nêdayîşê meaşan bi rojan o dewam kenê. Heta ewro çalakîyan de 6 kesan cuya xo vînî kerde û bi desan kesî birîndar bîyî.

Grubêka parlamenteranê Parlamentoya Kurdîstanî bi eşekrayîyêka nuştîye paştî daye çalakwanan. Eşkerayîye de bale ameye serê antene ke îqtîdarê herême sebebê krizî yo esas o û ame vatene ke şarî rê neheqîya pîle yena kerdene û  ciwanî bilasebeb ameyî şehîdkerdene.

Parlameteran vat: ''Ganî temsîlkarê partîyanê sîyasîyan çalakakwanan reyde pêvînayîş bikerê. Wa hînî gonî merişîyo. Ganî hêzê asayîşî bizanê ke nê qicê înanê, hêrişê înan mekerê û çeke meancê. Seba ke Parlementoya Kurdîstanî de kombîyayîşêk bêro kerdene ma do waştişnameyê xo teslîmê serekê meclîsî bikerê. Hukmat ganî meseleyanê şarî çareser bikero. Ganî Iraqî de pê bikero û çalakwanan rê şîdet mekerê. Çalakîwanî zî wa waştişê xo bi rayîrê haştîye bîyarî ziwan. Ma paştî danê waştişanê çalakwanan la ganî ê zî şîdet û vêşnayîşî ra dûrî vinderê.''

Eşkerayîye de ame vatene ke ê do semedê paştdayîşê çalakwanan Meclîsê Herêma Kurdîstanî de dest pê grevî bikerê û ame vengdayene ke wa heme endamê parlamento paştî bidê şarî.