Nuştoxanê Başûrê Kurdîstanî Perwîz Huma û Hawkar Nesredînî derheqê hêrişanê îşxalî yê dewleta tirke û hemkarîya PDKyî de ANFyî rê qisey kerd.

Perwîz Humayî dîyar kerd ke dewleta tirke bi serran a xîret kena ke Başûrî îşxal bikera û vat: ''Wa peymanê ke dewleta tirke û Herêma Kurdîstanî pîya îmza kerdê bêrê eşkerakerdene. Ewro hêrişanê dewleta tirke ra dewî yenê xalîkerdene. Ganî roşnvîr û nuştoxê ma vera nê îşxalî vengê xo vejê. Eke hukmatê Herêma Kurdîstanî xo rê muteqîfan wazeno wa Rojawanê Kurdîstanî de peymanan virazo. Îşxalkeran ra mutefîqî nêbenê.''

Nesredînî bale ante ser ke dewleta tirke sey dewleta Osmanîyan îşxalker a û vat: ''Dewleta tirke qetî ziwan û estbîyayîşê kurdan rê hûrmet nêkerdo. Dewleta tirke bi çekanê qedexeyan hêrişê Rojawan û Başûrê Kurdîstanî kena. Tay partîyê sîyasîyî verê îşxalê dewleta tirke de hem bêveng manenê hem zî hemkarîye kenê. Erkê ma yo ke ma vera na hemkarîye û dewleta tirke ya îşxalkere tewir bimojnê.''