Leşkeranê Îranî sînorê welatî de guleyî eştî kolberan ser. Netîceya hêrişî de 2 kolberan dinyaya xo bedilnaye.

Komeleya Heqanê Merdiman a Kurdîstanî da zanayene ke hêriş herêma Şinoyî de qewimîya û kolberê bi nameyê Hakan Mihemed Zade ve Wesîm Ferdîn Zade hêriş de dinyaya xo bedilnaye. Komele pare kerd ke cenazayê kolberan hema keyeyanê ci rê nêameyî teslîmkerdene.

Menga peyêne de 6 kolberî hetê pasdaranê Îranî ra ameyî qetilkerdene û 5 kolberî zî birîndar bîyî.