Qezaya Patnosî ya Agirî de perey oprasyonê girkerdişê sîyasîyî yê vera Partîya Demokratîke ya Şaran (HDP) de 7 kesê ke ameybî destbendkerdene înan ra 2 kesî ameyî tepiştene.

Hemserekê HDPyî yê Qeza Ahmet Ege, edamê Meclîsê Pêroyî yê Bajarî Kubettîn Ozgun û endame partîye Kadîr Ege, Namîm Dûrak, Cemîl Can, Atîlla Dûrsûn û Cevdet Can badê muameleyê îfadeyî yê emnîyetî ameyî berdene bi edlîye û dima ra zî sewqê mehkemaya nobetdare bîye. Mehmeke de Atîla Dûrsûn û Cevdet Can bi îdîaya ‘hetkarîya rêxistine‘ ameyî tepiştene û 5 kesê bînî serbest ameyî veradayene.