Hêzanê PDKyî 13ê kanûne de rayîrê mabênê dewanê Kanê û Dêreşê  yê qezaya Amedîye de vera wesayîtê gerîlayan dafike ronabi û pê çekanê giranan guleyî eştbî gerîlayan ser. Hêriş de 3 gerîlayî birîndar bibî.

PDKyî seba ke hêriş mîyan bikero îdîa kerdbi ke cayê serebûtî de bendê înan ê kontrolî estê. Labelê dima ke dîmenê serebûtî çapemenîye de weşanîyayî eşkera bi ke herême de qet yew bendê kontrolî çin o û hêzanê PDKyî hêrişê gerîlayan kerdo.

Hêzanê PDKyî rayîrê mabênê dewanê Kanê û Dêreşê yê qezaya Amedîyê de 23ê kanûne de dest pê viraştişê bendê kontrolî kerd.

Merkezê Îrtîbatî û Çapemenîye yê HPGyî bi eşkerayîyêke û Fermandarê Qeragehê Merkezê Pawitişê Şarî Bawer Dêrsimî zî bernameyêkê televîzyonî de dabi zanayene ke a herême bi desan serrî yo ke yê gerîlayan a.

Viraştişê bendê kontrolî sey amadekarîya hêrişêkê neweyî ya PDKyî yeno ercnayene.