Rojanê peyênan de PDKyî hêzêko newe yo leşkerî erşawit Çoman û Rewandûzî. Nika PDK seba nê hêzan sînorê bajarekê Qesrê û Wertê de noqtayanê neweyan ca keno.

PDK çarçewa sîyasetê xo yê şerî de xeylêk hêzanê xo çekanê giranan reyde derbazê sînorê Rewandûz û Çomanî keno. Nika zî PDK hêzanê xo sînorê bajarekê Qesrê û Wertê de noqtayanê neweyan ca keno. PDK giran ser o çeperan virazeno.

Nê çeperê neweyî nê cayan de yê; Koyê Kulîtar, Girê Mayne Sor û Girê Xanulan.

Sînorê Wertê de zî PDKyî nê cayan de hêzê xo ca kerdî;  Şaxî Gewre, Zincîre çiyayê Direbî, Zînî Wertê û Kêle.