Kongreya Neteweyî ya Kurdistanî (KNK) ya ke merkezê ci Bruksel de yo, çend rojî ra ver partîyanê sîyasîyan ê Rojawanê Kurdistanî de tayê pêvînayîşî kerdibi û heyetêko seba pêvînayîşanê neweyan verê xo da Rojawanî hetê hêzanê PDK’yî ra ameyî vindarnayene.

Hemserekê KNK'yî Rêbiwar Reşîd, endamê KNK'yî Ehmed Karamus û Êrîş Elîzadehî çarçewaya na xebete de waşt şorê Rojawanê Kurdistanî û Ewropa ra verê xo da Başûrê Kurdistanî. Labelê Hemserek û endamê KNK'yî roja Çarşemeyî Berê Sînor ê Pêşxabûrî de hetê wezîfedaranê sînor ê PDK'yî ra ameyî vindarnayene. Endamê KNK'yî yê mecbur agêrayî Hewlêr. Yeno pawitene ke heyetê KNK’yî derheqê na babete de eşkerayîyêk bidero.