19ê teşrîna peyêne de teyarayanê bêmerdiman ê artêşa tirke ya îşxalkere dewa Bîgdadî ya Kanî Masî daye bombayan ver. Netîceya hêrişî de sivîlê bi nameyê Silêman Mele Mele Şêxo birindar bibi û zerarêko pîl resabi keye û mulkanê dewijan ser.

Silêman Mele Şêxoyo ke ganî tedawî bibîyêne 20ê teşrîna peyêne de hêzanê PDKyî eşt keyeyê ci ser û o berz Asayîşê Dihokî. Şêxo dima erzîya zîndanî. Asayîşê PDKyî rayîr nêda ke Silêman Şêxo wa bêro weşkerdene.

Keyeyê Şêxoyî rê zî xebere nêdîyaye.

Hemwelatîyanê Kanî Masî ra mamosta H.S. wina qala mesele kerde: ''PDK bi kerdişanê xo planê dewleta tirke keno temam. Herindan ke hêrişkeran vindarno PDK sivîlanê bêsûc û bêguneyanê ke birînê înan nêameyê weşkerdene, tepişeno. Ma zanenê ke dewleta tirke dezgehanê PDKyî reyde têgêra û PDK vera aye tewirê xo nêmojneno.''