Hêzê ke pabesteyê PDKyî 28ê kanûne de dewa Xişxaşa ya warê Metîna de nuqtayêka newî ya kontrolî na ro.

Demo ke Hêzanê PDKyî herême de xo ca kerd ra nata,  cadayîşê xo rê dewam kenê. Nuqtaya kontrolî de kabîne û konteynerî yenê cakerdene. Dîya zanayeneke hêzê ke tîya ameyî cakerdene pozîsyonê hêrişî girewto. Goreyê xeberanê ke çimeyanê cayîyanî ra ameyî girewtene dewa Qumrîyê ke warê Metîna de ya ûca zî nuqtaya kontrolî ameye ronayene. Nîno zanayene ke na nuqta semedê mendişî ya zî semedê hêzanê tahwîyeyî ya.

Kerdişê PDKyî yê demê peyênî mîyanê şarê herême de bîyî sebebê qisawetî. Bado ke 13ê kanûne de warê Amêdîye de vera gerîlayan hêriş ame kerdene, şarê herême nêwazeno ke çîyo wînayên reyna bibo.