Hukmatê Iraqî seba birê petrolî yê herêma Dîbega yê Mexmûrî bigêrê binê kontrolê xo hêzê xo yê leşkerî erşawitî. PDKyî zî hêzê xo yê çekdarî sewqê herême kerdî û erşawitişê petrolî yê seba Tirkîya vindarna.

Dima ke mabênê PDK û AKPyî de petrolî ser o pêkerdişêk ame kerdene krîzê mabênê hukmatê Iraqî û PDKyî bi giranêr.

Vizêr şan saet 21.00 de hukmatê Iraqî hêzê xo erşawitî birrê Dîberga. Coka Mesrûr Barzanîyî hêzê çekdarî yê bi nameyê Gulane û pêşmergeyî sewqê heman herême kerdî.

Goreyê zanayîşanê ke herême ra ameyî girewtene nê têgêrayîşan ra dima Tirkîya rê erşawitişê petrolî zî vindert.

Çimeyanê sîyasîyan pare kerd ke krîz ver bi şerî şino.

YNKyî ra Reşad Gelaleyîyî derheqê babete de eşkerayîyêke daye û vat ke hêzê ke nameyê Başûrê Kurdîstanî ser o erşawîyayî pabesteyê PDKyî yê. 

Yeno vatene ke herêma Dîbega û dormeyê ci de nêzdîyê 2000 birê petrolî estê.