Merkezê Îrtîbatî û Çapemenîye yê HPGyî çalakîyanê gerîlayan û hêrişanê artêşa îşxalkere ser o eşkerayîyêke daye. Eşkerayîye wina ya:

''Çarçewa Hemleya Şorişgêre ya Bazanê Zagrosî de herêma Avaşînî de;

18ê temmuze de warê Girê Silêmanî de pê çekanê giranan îşxalkerî ameyî pirodayene. Bi hawayêkê xurtî çeperêkê îşxalkeran ame pirodayene.

Çeperanê şerî û tunelanê warê Werxelê de xoverdayîşo tarîxî yê hêzanê ma dewam keno. 18ê temmuze de heta şewe îşxalkeran pê gazê jehrînî û teqaberan hêrişê ma kerd la netîceyêke nêgirewte.

18ê temmuze de waranê Merwanos, Tabûrê Ereban û Girê Silêmanî ser o helîkopterî gêrîyayî. Warê Girê Sor û Stûnê zî pê helîkopteran dîyayî bombayan ver. 19ê temmuze de warê Girê Sorî de wexto ke îşxalkeran xîret kerd je nêzdîyê çeperanê şerî bibê, hêzanê ma da piro û îşxalkerî neçare mendî ke qedemeyêk xo apey bigêrî. Serê sibayî îşxalkeran reyna xîret kerd ke hêriş bikerê la hêzanê ma reyna da înan ro. Îşxalkerî Qereqolê Sîvrî yê Girê Sorî danê bombayan ver.

Çarçewa Hemleya Şorişgêre ya Cengê Xabûrî de herêmanê Heftanînî û Metîna de;

17ê temmuze de warê Girê Dûpişkî yê herêma Heftanînî de pê çekanê giranan îşxalkerî  û çeperê înan ameyî pirodayene.

18ê temmuze de warê Qaşûra yê Metîna ser o helîkopterî gêrayî. Helîkopteran hêrişê dewanê Kêste û Hirorî yê Kanî Masî yê Amedîyê kerd. Warê Çemçoyî yê Zapî hetê qereqolanê sînorî ra dîya bombayan ver. 19ê temmuze de warê Çemço û Sîda pê teyarayanê şerî dîyayî bombayan ver.

Nê bombardumanan û hêrişanê hewayî de zerarêk nêresa hêzanê ma ser.''