Qezaya Hezoyî ya Êlihî de polîsan domana bi nameyê S.Y. (14) rê gef wend û tira waşt ke wa babîyê ey Hasan Yalçinê korî ser o  îfade bido. Netîceya gefî de S.Y. tebaxa 2020î de îfade da û polîsan Hasan Yalçin destbend kerd.

Yalçin 4 rojan nezaret de mend. Polîsan pê Yalçinî tay dokumentî îmza kerdî ke Yalçinî vatêne qey dokumentan de îfadeyê ci esto. Dima Mudirîya Asayîşî ya Hezoyî mehkeme de 'paştdayîşê rêxistine' û 'propagandaya rêxistine' ra cezaya hepsê keyeyî daye Yalçinî.

Eşkera bi ke dokumentê ke Yalçinî pê zorî îmza kerdî derheqê 35 HDPyîjan de yê ke tede Hemşaredara Hezoyî Nazîme Avci zî esta.

Yalçinî derheqê babete de qisey kerd û vat: ''Kênaya min a qijkeke û merdimêkê mi xapîyayî. Seba ke ê 35 kesan ser o kayan bikerê pê mi kay kenê. Înan pê mi dokumentî îmza kerdî. Dima zî înan îfadeyê mi ser o tay kesî destbend kerdî û ez kerda hedef. Mi derheqê kesî de îfade nêda.''