Dimayo ke serrewextê zimistanî yê serd û dergî cayê xo wisarî rê verda galûrê ke bi rengê sûr û zerdî abenê xoza xemelnaye. Galûrê ke Kurdkî de yenê manaya “gula ke ci ra gonî yena” Tirkî de nameyê ci yê sey “ters lale”, “aglayan lale” yan zî “Şemdînlî lalesî” estê.

Na vila ke famîlyaya pîyazan ra yena hesibnayene, herême de zafane Wan, Dêrsim, Mûş, Şirnex, Colemêrg û Sason de cayanê berzan ê koyan de akena.

Nê laleyê ke Wan de normal de menga Nîsane ra tepîya yenê dîyayene, seba ke emser eyam erey bi germ sereye menga Gulane ra herrî ra ver bi asîmanî sereyê xo wedartî.

Nuqtayêka tewr xaseke ya ke Galûran xoza xemelnaye zî Mehlaya Zevê ya pabesteya qezaya Westanî ke hemverê Girawa Axtamarî de ya. Bi seyan kesan seba galûranê ke dîmenê Gola Wanî dir pêresayê bivînê peynîya hewteyî de ameyî tîya. Zîyaretkerdoxan bol-bol fotografê menzereya rengêne antî.

Galûrê ke hetê şarê herême ra sey îlacêko xozayî yenê şuxulnayene, awa ke zereyê înan de ya bi nîyetê şîfaye yena şimitene.