Walîtîya Şirnexî 15 herêmê merkezê şaristanê Şirnexî û qezayanê ci binê nameyê ''Herêma Asayîşê Taybetî'' de sivîlan rê qedexe kerdî.

Ame parekerdene ke nê tedbîrê îşxalî 1ê çeleyî ra heta 15ê çeleyî do dewam bikê. Qedexeyî bi hawayêkê nîzamî û keyfî serran ra nata yenê dergkerdene.

30ê kanûne de zî Walîtîya Dîlokî 48 herêmanê nêzdîyê sînorî de seba 15 rojan bira qedexeyî îlan kerde.

Walîtîya Colemêrgî zî 27ê kanûne de 5 herêmê ke şaristanî û qezayî zî tede yê seba 15 rojan qedexe kerdbi.