Gerîla Alîşêr Torî 'Burhan Duygun' serra 1988î de qezaya Kerboranî ya Mêrdînî de dadîya xo ra beno û zanîngeh de Aydin de tewrê karanê ciwanan beno. O çax tay zîndanan de maneno. Dima ke Alîşêr zîndanî ra vejîyeno Amedî ra serra 2012î de verê xo dano koyan. Gerîla Elîşêr serra 2018î de heta guleyê xo yê peyênî şer kerd û pa 3 embazanê xo 26ê sibate de şehîd bi.

Gerîla Alîşêrî wina hîkayeya xo ya tewrbîyayîşî arde ziwan: ''Dima ke ez ameya koyan perwerîya mi bîye xurtêr. Helêke zî biba ez eşkena vaja ke mi helmê azadîye nê koyan de girewt. Sey pîlîya nê koyan heskerdişê mi zî tim bi pîl. Embazîye zî rindîya heskerdişî kerde temam. Seba ke merdim layîqê cuye bibo ganî merdim embazîya xo xurt bikero û kesayetê xo aver bero. Famkerdişê na embazîye pê qerardarîya Serekîye beno. Ez sey şerwanê Rayber Apoyî seba ke biba embazê ci yê raştikênî heta peynî do têkoşîn bikera. Armancê gerîlayan ronayîşê xoserîya demokratîke yo. Coka ma do giranîye bidê nê karî ser. Bingeyê ney de zî azadîya Rayber Apoyî esta. Nê esasî ser o ma do pê ruhê xoverdayîşî azadîya Rayberîye bîyarê ca.''