Hemsereka Federasyonê Komeleyanê Paştdayîşî û Huqûqî yê Keyeyanê Tepişte û Hukmwerdeyan ê MED (MED TUHAD FED) Pinare Sakik Tekîn derheqê tecrîdê mutleqî de ajansê ma rê qisey kerd.

Pinare vist vîrî ke 44 mengan ra dima Rayber Apoyî reyde pêvînayîşî ameyî kerdene la hema zî tecrîd dewam keno. Pinare vat: ''No tecrîd şexsê Rayber Apoyî de vera şarê kurdî yeno kerdene. Tecrîdê Îmraliyî vilayê pêro zîndanan bîyo. Kurdîstan de seba ke ciwanî bêameyoxî bimanê tecrîd yeno kerdene. Hetê ekonomî û kulturelî ra zî tecrîd est o. Yanî tecrîd vilayê her cayî bîyo.

Ganî tecrîdê vera Birêz Ocalanî cade biqedo. Heyf ke seba wedarîyayîşê tecrîdî gamêka pozîtîfe nêna eştene. Welat de şer est o ke no şer xercê tecrîdî yo. Heta ke tecrîd nêqedo meseleya kurdan zî çareser nêbena. 

Prosesê çareserîye yê 2013-2015î de merdimî bi hêvîya haştîye bîyî. Pêvînayîşê bi Îmraliyî ancî hêvîyan virazenê. Seba caardişê haştîye ganî meseleya kurdan çareser biba. Seba caardişê haştîyêka mende ganî tecrîd cade biqedo û heqê hêvîye yê Birêz Ocalanî bişinasîyo.''