PJAK: Ganî pêro hêzê demokratîkî paştî bidê Şingalî
Partîya Cuya Azade ya Kurdîstanî (PJAK) pare kerd ke ê peymana Hewlêr û Bexdadî ya seba Şingalî şermezar kenê û ganî verê fermanêkê bînî yê Şingalî nêro akerdene.
Meclîsê Partîya Cuya Azade ya Kurdîstanî (PJAK) derheqê peymana Hewlêr-Bexdadî ya seba Şingalî de eşkerayîyêka nuştekîye daye.
PJAKî eşkera kerd ke çîyo ke DAÎŞ nêeşka Şingal de bikero nika PDK bi peymanêke Iraq, Tirkîya û hêzanê sermayedaran reyde keno. PJAKî vist vîrî ke şarê Şingalî bi têkoşînê hêzanê Têgêrayîşê Apoyî xelisîya û PDK têna seba menfaatanê xo wazeno Şingal de bimano.
PJAKî peymana Hewlêr û Bexdadî şermezar kerd û ard ziwan ke ê paştî danê şarê Şingalî. PJAKî venha pêro hêzanê demokratîkan da ke paştî bidê xoserîya Şingalî û ganî reyna verê fermanê Şingalî nêro akerdene.
