Partiya Jiyana Azade ya Kurdistanî (PJAK) da pêhesnayenê ke gerîlayanê înan Şahîn Bukan  û Aryo Sîne yê ke înan verî sey şehîd eşkera kerdbî, şehîd nêbîyî.

Eşkerayî de nê ameyî parekerdene: ''Ma derheqê serebûtê 4ê tebax a 2021î de cipersayîşo hîra kerd û vejîya werte ke hemrayê ma Şahin Bukan (Muhsên Qadêrî) û Aryo Sine (İdriss Feqihi) yê ke ma vatêne qey dama hêzanê Îranî de şehîd bîyî, şehîd nêbîyî.

Hemrayê ma Şahîn resa grûba gerîlayan û dima ra ma eşnawitê ke hemra Aryo bi giranî birîndar bîyo û kewto destê rejîmê îşxalkerî yê Îranî. Ma weşîya embazê xo Aryo Sîneyî ra rejîmê Îranî berpirsîyar vînenê. Ma wird embazanê xo yê sînayeyan Şahîn Bûkan û Aryo Sîne, keyeyanê înan ê erjîyayeyan û heme şarê xo yê xoverdayoxî ra ozrê xo wazenê.

 Cipesayîşê ma yê derheqê pêkewtişê Bûkanî seba ke her hetî ra safî nêbîyo hema dewam keno. Eke hewce bikero ma do netîceya cipersayîşî rayapêroyîye dir pare bikerê. Heta caardişanê waştişanê şehîdan û têgêrayîşê azadîye do têkoşînê ma dewam bikero.''