Komîteya Rayberdişî ya PKKyî derbarê sergêra 41. a ronayîşê PKKyî de beyanetek weşana.

Beyanatî de nê çî amey dîyarkerdene:

“PKK nê 22 serranê peyênan devera galanê îşxalkeran ê mîyaneteweyî û sîstemê qirkerdişî yê Îmralî xoverdayîşê şorişgerî îdare keno. Nê esasî ser o komployê mîyanneteweyî yo ke DYA kerdo, bine ra parçe kerdo, û pêro maskeyê Tirkîya ardê war. Şexsê dîktatorîya AKP û MHPyî de raştîya dişmenê qirker û kolonyalîstî veta meydan û na hişmendîya înan arda verê çinbîyayîşî.

Senî ke yeno zanayene PKK partîya Rayberî û şehîdan o. Serede bi felsefeya azadî ya Rayber Abdullah Ocalanî kewto rayîr û fikir û taybetmendîyê şexsê ey xo rê kerdê nimûne. Rayber Apo dîyar keno ke PKK vîrardişê Hakî Karerî yo. Hakî Karerî ra heta Mazlûmî, Kemal, Hayrî, Mehmet Karasungur û Masûm Korkmaz, heta Bêrîtane û Zîlane, Reşît û Sarayan ra heta Delal û Helmetî artêşêka şehîdan a pîle vejena meydan.

PKK Tevgerê çetinî û bêîmkanan o

PKK 41 serr o ke têkoşînê xo hemberê çetinî û bêîmkanîyan dewam keno. Hemberê galanê îmha û tasfîyeyanê Dewleta Tirkîya ya kolonyalîst û qirkere her tim xo ver dayo. Vera hendê teda û çetinîyan de xeta xo ya estbîyayîş û azadîye ra vera nêda.

50 serranê peyênan de Kurdîstanî de nameyê azadî û demokrasî ser opêro xoverdayîşan ser o îmzaya Rayber Apo û PKKyî esta. Serranê 1970an de warê rastîya Kurdîstanî û doza kurdan de roşnvîrîyêka pîle ameya awankerdene. PKK nê bingeyê roşnvîrî ser o awan bîya û bi xoverdayîşanê Sêwrege û Hîlwanî dîyar kerdo ke o do seba estbîyayîşê kurdan şer bikero. PKK bi xoverdayîşê zindanî dîyar kerdo ke do tewr çîyêk meeşko xoverdayîşêkê winasî bido vindarnayene û bi radayîşê gerîlayan ê 15 Tebaxe dîyar kerdo ke do no xoverdayîş xeta serfirazî ser o dewam bikero.

Duştê sîstemê qirkerdişî yê Îmraliyî xoverdayîşî yenê organîzekerdene

PKK 22 seranê peyênan de hemberê galanêîşxalker ê mîyanneteweyîyan û sîstemê qirkerdişî yêÎmrali xoverdayîşê şorişgerî rayîr ra beno. “PKK nê 22 serranê peyênan devera galanê îşxalkeran ê mîyaneteweyî û sîstemê qirkerdişî yê Îmralî xoverdayîşê şorişgerî îdare keno. Nê esasî ser o komployê mîyanneteweyî yo ke DYA kerdo, bine ra parçe kerdo, û pêro maskeyê Tirkîya ardê war. Şexsê dîktatorîya AKP û MHPyî de raştîya dişmenê qirker û kolonyalîstî veta meydan û na hişmendîya înan arda verê çinbîyayîşî. PKK bi vurenayîşê pradîgma Teorîyê Modernîteya Demokratîke awan kerda. Bi pradîgmaya komelo azadîwaz, azdîya cinîyan paweno. Şorişê Rojawanî yo ke 19ê Temuze 2012î de bîyo û pratîkê Vakur û Rojhelatê Sûrîye bîye bingeyê girîng ê na xete.

PKK serra 41.e de vera ferasetê faşîst, kolonyalîst û qirkerî, bingehê stratejîya şerê şarî yê şorişgerî xoverdayîşêkê pîlî rayîr ra bena. Hemberê bira DYA ya 6ê Teşrîna Peyêne 2018î her warî de bi her hawayî xo ver dano.

Vakur û Rojhelatê Sûrîye de 45 roj o xoverdayîşo qehremanî dewam keno.

Bêguman parçeyanê girîng ê xoverdayayîşê 41 serran ra yew zî xoverdayîşê Rojawanî yo. Hemberê galanê îşxalker ê AKP û MHP yê ke DYA û Rusya paştî daya ci, şaranê Vakkur û Rojhelatê Sûrîye bi hêzanê xopawitişî 45 rojî yo xo ver danê û Başûrê Kurdîstanî sere de her cayê dinya de merdimî nê xoverdayîşî ra wayîr vejîyê.

Yewîya Netweyî

PKK serra 42. a seba geşkerdişê xoverdayîşê azadîye û awankerdişê yewîya demokratîke ya kurdan , reyna dîyar kena ke do pêro wezîfeyê ke kewenê ser bîyaro ca. Nê esasî ser o venga pêro partî û organîzasyonanê kurdan, hunermend, roşanvîr, cinî û ciwananê kurdan dana.

Ganî Şarê Rojhelatê mîyanênî zî xoverdayîşî aver berê

Hadîseyê peyênî dîyar kenê ke qederê şarê kurdan, ê şaranê herême û ê pêro merdimîya bindeste sey pê yo. Kurdîstanî ser o qirkerdiş û kolonyalîzm, Tirkîya sere de Îran û Iraqî de zî şarî ser o beno faşîzîm. Nê esasî ser o PKK Tirkîya, Îran, Iraq û Sûrîye sere de pêro xoverdayîşanê demokratîk ê Rojhelatê Mîyanênî selam kno.

Nê bingeyî ser o ma reyna sergêra 42. Ê PKKyî selam kenê, Roşanê Partîye û candarbîyayîşê Neteweyî ya pêro kesan pîroz kenê. Ma venga pêro hemra, cinî, ciwan û dostanê xo kenê ke sergêra 42. A PKK de ma hemberê sîyasetê faşîst û kolonyalîstî têkoşînê xo yê azadî û demokrasî xurtêr bikê.”