Gerîlayanê YJA-Starî serrgêra 41. a ronayîşê PKKyî de serkewtiş û destkewteyê têkoşînê azadîye ercnayî. Gerîlayanê Têgêrayîşê Azadîye pare kerd ke 'Têkoşînê PKKyî seba pêro şaran ganîbîyayîşêko newe yo.'

Gerîlaya YJA-Starî Rûkene Koçer vat: ''Şarê kurdan eşkeno bi fikran û felsefeya Rayber Apoyî cewherê kulturî, nasnameyî û ziwanî bido ciwîyayene. Serrgêra ronayîşê PKKyî yê şehîdan, Rayber Apoyî û dinya fîraz kena. Ma gerîlayî seba caardişê xeyalanê înan heta serkewtişî têkoşînê xo dewam bikê. Rayîrê têkoşînî de seba serfîrazîye ma ra çi bêro waştene ma do amade bibê ke bikê û ser bikewê."

Gerîla Hêvî Stêrk vat: "Şarê ma yê xoverdayox reyde dewaya ma do ser bikewa. Dişmenî wazenê bi zorbazîye netîce bigêrê la nêeşkenê vera hêzanê ma vinderê. Ma do hîna zêde bixebitê ke serkewtiş awan bikê. Şarê kurdan qet vera dişmenan sereyê xo çewt nêkerd û nê prosesî de zî Êgîdê modernî do bivejîyê. Heta ke koyan ser o cinîyê azadî têkoşînê xo dewam bikê ma do ser bikewê. Ma venga cinîyan danê ke gerîlayan reyde cayê xo bigêrê, tewrê xoverdayîşê tarîxî yê şaran û bi taybetî zî ê cinîya bibê."

Gerîlaya YJA-Starî Starê Sorxwîn Baran vat: "PKK ganîbîyayîşê merdimîye yo. Ganîbîyayîşê newe yo. Bi taybetî rayîrê artêşbîyayîşî seba cinîyan akerd. Rayber Apoyî seba cinîyan rayîrê azadîye mojna. Seba naye estbîyayîşê PKKyî seba merdimîye zaf girîng o. Ma sey gerîlayanê YJA-Starî seba azadîya şarê xo heta peynî do têkoşîn bikê."