Komîteya Rayberdişî ya PKKyî bi eşkerayîyêke şehîdê teşrîna peyêne yad kerdî û ronayîşê PKKyî fîraz kerd. Eşkerayîye wina ya:

''Ma dekewtî menga PKKyî teşrîna peyêne. Ma hê serrgêra 43. ya ronayîşê PKKyî de yê. Ma sey şar û partîye rayberîya PKKyî de kewenê serra 44. ya têkoşînî. Ma na serra newîye de Hemleya Wext Wextê Azadîye xeta serfîrazîye de aver berê ke na hemle azadîya fîzîkî ya Rayber Apoyî armanc kena.

Bi na wesîle ma serrgêra 43. ya ronayîşê PKKyî, roşanê partîye yê Rayber Apoyî, pêro embazan, şarê ma yê welatperwerî û dostanê ma yê şorişgêr-demokratan fîraz kenê. Ma şehîdê verênî Hakî Karerî ra heta çêran Mam Reşo, Xelîfan, Zendûra û Werxelê pêro şehîdanê xo bi rêzdarî, ninet û heskerdişî yad kenê. Ma serra 44. ya PKKyî de pêro kesanê ke têkoşînê azadîye û demokrasî kenê rê serkewtiş wazenê. Sere de cinî û ciwanî ma venga pêro şarê xo yê welatperwerî û dostanê xo danê ke Roşanê Partîye yê 27ê Teşrîna Peyêne her ca de pê coş û kelecanêkê pîlî fîraz bikerê!

Seke zanîyeno PKK partîya Rayberîye û şehîdan a. Rayber Apoyî vat 'PKK partîyêka şehîdan a û şehîdî PKKyî yê.' Nê esasî ser o Rayraşîyayîşê Azadîye yê Pîlî yê nêm seserrî de her hewte, meng û roja serre de şehîdê çêrî ameyî dayene. Teşrîna peyêne de ke menga partî ya ser ra heta binî pê şehîdan pirr a. Nê esasî ser o ma şexsê Fermandara Qerargehê Merkezî ya YJA-Starî û HPGyî embaze Delale Amed de pêro şehîdanê teşrîna peyêne bi heskerdiş, rêzdarî û minetî yad kenê. Ma reyna soz danê ke do armanc û vîrameyîşê şehîdanê xo yê çêran bidê ciwîyayene.

Fermandare Delala ke Amed de dadîya xo ra bîya û bîya pîl, Botan de şehîd bîye şehadetê ci 4 serrî peyê xo de verdayî. Nê çar serrran de bi fermandarîya YJA-Starî ya ke rayberîya azadîya cinîyan ê kurdan û şarê xo kena, şerê qesasî û azadîye yo pîl ame kerdene. Bi seyan ciwanî tewrê gerîlayan bîyî û çeka embaze Delale girewte xo destî. Cinîyê Kurdîstanî bi fermandarîya embaze Delale Amed bîyî şerwan û hêzê azadîye yê bêmexlûbî.

Ma pê bawer ê ke serrgêra 5. ya şehadetê embaze Delale de ma sey têgêrayîşî û şarî şerê azadîye hîna xurt bikerê û serkewtişê pîlêrî bivisnê destî. Hêzê ma yê gerîlayan waranê Metîna, Zap, Avaşînî yê Herêmanê Pawitişî yê Medya de û pêro Kurdîstanî de destanan nusenê û ê do bi fermandarîya embaze Delale Amed faşîzmî birijnê, tecrîdî bişiknê û azadîya Rayber Apoyî bîyarê ca. Nê esasî ser o ma serrgêra 4. ya şehadetanê înan de fermandaranê bêmergan Delale Amed û Azê Malazgîrt reyna bi rêzdarî û minetî yad kenê.

Seke zanîyeno menga teşrîna peyêne ya 20123i de Zagros de ke merkezê ma yê xoverdayîşî yo, ma şehîdê pîlî dayî. 3ê teşrîna peyêne de Xakûrkê de Kerîm Şirnak û Hakî Urfa, 18ê teşrîna peyêne de Şemzînan de embaz Şehîd Serdar şehîd bîyî. Nê embazî fermandarê Xoverdayîşê Pîlî yê Şemzînanî yê 2012î de bîyî. Nê ewladê çêrî yê Botanî bîyî û semedê azadîya Kurdîstanî cuye xo daye xoverdayîşê gerîlayan û endamê Konseya Fermandarîya HPGyî bîyî. Bi şehadetê xo mêrxasîya Botanî û xoverdayoxîya Zagrısî vejîyayî leweyî. Serra 10. ya şehadetê înan de ma embaz Reşîd, Kerîm û Hakî bi rêz û hûrmetî yad kenê û pare kenê ke serra desine de ma do binê fermandarîya înan a manewîye de şerêkê pîlî bikerê û qesasê înan bigêrê.

Zanîyeno ke teşrîna peyêne ya 2004î de zî ma şehîdê pîlî dayî. 29ê teşrîna peyêne de Musil de Şîlane Kobanî ya ke endama Komîteya Merkezî bîye û 4 embazê ci şehîd bîyî. Nê embazî semedê rêxistinkerdişê Şorişê Rojawanî Musilî ra şîyêne Rojawanî û hetê cerganê DAÎŞî ra bi barbarî kişîyayî. Pê têkoşînê vîrameyîşê înan Şingal, Kobanê û Rojawan ameyî xelisnayene û cerganê DAÎŞî derbêka tarîxîye werde. Nê esasî ser o ma serrgêra 17. ya şehadetê înan de embaze Şîlane Kobanî û koma ci bi hûrmetî yad kenê. Ma vîrameyîşê înan têkoşînê ma yê partîye de û Şorişê Rojawanî de bidê ciwîyayene.

Tewr peyên 10ê teşrîna peyêne de çêro warê şêran Dêrsimî, Endamê ma yê Komîteya Merkezî Fermandarê HPGyî yê Dêrsimî embaz Yilmaz Dêrsim şehîd bi. Şehîdê bêmergî, tronê raştikênî yê Pîr Seyîd Rizayî embaz Yilmazî wesîyetê Welatperwerê Kurdîstanî yê Pîlî erdî de nêverda. Ey cuya xo feda kerde û pê xoverdayîşê gerîlayan reyna mojna ke Dêrsim warê şêran o. Ey ancî îsbat kerd ke Dêrsim de çekê azadîyew bêveng nêbîyî û do qetî bêveng nêbîyê. Nê esasî ser o ma fermandarê Dêrsimî embaz Yilmazî serrgêra şehadetê ci de û rayberê Dêrsimî Seyîd Riza û embazanê ci serrgêra 84. ya şehadetê înan de bi rêz û minetî yad kenê. Ma vanê ke mîyanê têkoşînê azadîye de û Dêrsimê Azadî de ma do tim wayîrê vîrameyîşê înan vejîyê.

Yeno dîyene ke teşrîna peyêne destpêkî ra heta peynî bi şehadetan pirr a. Kazim Aydinî ra ke teşrîna peyêne ya 1981î de Dêrsim de şehîd bi heta Yilmaz Dêrsimo ke heman menge heman warî de 2020 de şehîd bi her teşrîna peyêne yê têkoşînê 40 serrî de û her roja na menge de şehîdê bêmergî bîyî. Ganî ma xo vîr a nêkerê ke êyê ke ma resnayî nê dewrî û îradeyê têkoşînî û cuya azade daye ma şehîdê ma yê çêrî yê. Nê şehîdanê ma yê çêran menga teşrîna peyêne kerde mengêka raştikêne ya PKKyî. Şehîdê ma yê çêrê ke bi fedayîtîya xeta Apogîre, cuya azade û welatperwerîya Kurdîstanî rê perwer ê, hîs, fikr û hêzê çalakîye danê ma.

Nê esasî ser o şexsê şehîdanê pîlan ê teşrîna peyêne Seyîd Riza û embazanê ci, embaz Kazim Aydin, Yilmaz Dêrsim, Delale Amed, Azê Malazgîrt, Şîlane Kobanî, Reşît Serdar, Kerîm Şirnak û Hakî Ûrfa de ma şehîdanê ma yê têkoşînî û partîye reyna bi rêz û minetî yad kenê, sere de cinî û ciwanî ma venga şarê xo yê welatperwer û dostanê xo danê ke pêro menga teşrîna peyêne de bi çalakîyanê cîyayan şehîdanê ma yê çêran yad bikerê, raşt fam bikerê, têkoşînê hemleya semedê azadîya Rayber Apoyî her warî de bi xurtêrî aver berê.

Dima ke na eşkerayîye amade kerde ma eşnawit ke şaristanê Qamişloyî yê Rojawanê Kurdîstanî de welatperwero pîl Yusuf Gulo û Mihemed, Mazlûm Gulo hêrişê hewayî yê dewleta tirke ya faşîste-qirkere de ameyî qetilkerdene. Ma nê hêrişê namerdî şermezar kenê, dostê perwerî yê Rayber Apoyî Yusif Gulo û Mazlum, Mihemed Gulo bi rêz û heskerdişî yad kenê. Sere de ê keyeyê Guloyî ma dejê şarê ma yê Rojawanî û pêro şarê kurdî pare kenê. Ma venê ke qesasê nê hêrişê namerdî qetî do bêro girewtene. Ma venga şarê xo danê ke wayîrê şehîdanê pîlan vejîyo.''