Komîteya Paştdayîşê bi Keyeyanê Şehîdan a PKKyî derheqê serra newîye de eşkerayîyêke daye.

Eşkerayîye wina ya:

''Bi wesîleya serra newîye şexsê Kasim Engîn, Leyla Agirî, Egîd Civyan, Yilmaz Dêrsim, Amara Batman, Sitki Bektaşî de ma pêro şehîdanê xo û şehîdanê zîndanî bi rêzdarî yad kenê. Ma soz danê ke ma do xeyalanê înan bîyarê ca. Sere de yê dadîyan ê fedakaran ê şehîdan ma serra newîye ya pêro şarê xo welatperwerî û keyeyanê şehîdan fîraz kenê.

Hukmatê AKP-MHPyî sayê xoverdayîşê ma de derbê pîlî werdî û bin kewt. Îqtîdaro ke mîyanê krîz û kaosî de yo ho pê pêro îmkananê xo keno ke nêrijo. Coka vera kurdan û têgêrayîşê azadîye metodê barbarî vistî dewre. Dewleta tirka ke qet erjê ci yo exlaqî çin o hêrişê goranê şehîdan kena ke vîrê komelkî çin bikera.Îşkenceyê ke ê cenazayanê şehîdan rê kenê mojneno ke faşîzm senî şehîdanê ma ra terseno. Îqtîdaro faşîst cenazayanê embazanê ma bi rojan morg de vindarneno, nêdano keyeyanê ci. Faşîzmê înan hende wehşî yo ke cenazayanê şehîdanê ma pê kargo erşaweno keye û dadîyanê ercîyayeyan. La dadîyê ma bi tewirê xo yê rûmetênî û nobeta xo ya serê goran faşîzmê AKP-MHPyî rê cewabê tewr pîlî danê. Ma selam kenê nê xoverdayîşê dadîyan. Xo vîr a mekerê ke faşîzm do gonîya ke rijnaye û tarîtîya xo debixeniqo.

Keyeyê ercîyayeyî;

Ma serra 43. ya têgêrayîşê azadîye de hîna bihêz ê û zêdêr  nêzdîyê azadî û serfîrazî yê. Nê zî sayê têkoşîn û fedakarîyanê ewladanê şima de bîyî. Ma do binê fermanê şehîdanê xo yê bêmergan de wayîrê wezîfe û mesuldarîyanê xo vejîyê. Naye ra serkêşîya keyeyanê şehîdan her wextî ra zêdêr girîng a. Senî ke ma pê şehîdanê xo sereberz ê ganî ma înan bikerê bingeyê têkoşînê vera îxanet, îşxal û faşîzmî. Coka eke şehîdî pê girseyan bêrê oxirkerdene dişmen do derba tewr pîle biwera. 

Qetî qebul mekerê ke şehîdî şewan bêrê definkerdene. Eqsê ci vera ney vejîyê û îşxalkeran ra hesab bipersê. Ganî her şehîd/e bibo/biba wesîleya xoverdayîşê topyekûnî. Hemleyê 'Wext Wextê Azadîye yo' û 'Vera qirkerdişê cinîyan cinîya azade û komel bipawê' do faşîzm û îşxalan çin bikerê, tecrîdê Îmraliyî parçe bikerê û Kurdîstanê azadî ronê. Ma do pê na bawerî xeta Rayberîye û şehîdan de têkoşînê xo pê serfîrazî tacîdar bikerê. Ma keyeyanê rûmetên û ercîyayeyan ê şehîdan rê selam kenê. Ma bi na wesîle reyan serra şima ya newîye fîraz kenê û sozê xo yê seba şehîdan dibare kenê.''