Komîteya Rayberdişî ya PKK’yî bi eşkerayîyêk  şexsê kadroyanê ke mabênê 2’ê Gulane 1983 û 2’ê Gulane 2016 de cuya xo vîndî kerde de heme şehîdê  patîye û xoverdayîşê azadîye yad kerdî.

Eşkerayîye ra tayî cayî wina yê: ‘‘2’ê Gulane 1983 de Qendîl de endamê Komîteya Merkezê Partîya ma û  fermandaro bêmerg yê xoverdayîşê tarîxkî yê Hîlvan û Sîwêregî Mehmet Karasûngûr û mîlîtanê ma yo bierj Îbrahîm Bîlgîn hêrişê YNK’yî de şehîd bîyî. mabenê ra tam 30 serrî ravêrtî  reyna 2’ê Gulane 2016 de Amed de fermandarê Sahaya Mîyanênî yê HPG’yî  û mîlîtanê rayber û kadroyê bierjî yê partîya ma Azad Sîser û Çektar Amed  şehîd kewtî. Ma serrgêra şehadetê embazanê xo de înan bihurmet yad kenê û sozê bicaardişê waştişanê înan danê.

Senî ke yeno zanayene  semedê şarê Kurdistan û Têgêrayîşê Azadîye 18’ê Gulane 1977 roja şehadetê hemra Hakî Karerî sey Roja Şehîdan û menga Gulane zî sey Menga Şehîdan a. Ma kewetê serra 43’ine ya Menga Şehîdan. Na çarçewe de ma veng danê  heme şar û dostanê xo  ke na menge wa şexsê Hakî Karer, Mehmet Karasûngûr, Îbrahîm Bîlgîn, Azad Sîser û Çektar Amedî de şehîdanê ma yê qehremanan yad bikerê û rêça înan de xoverdayîş xurt bikerê.

Ma sey têgêrayîş û şar bi hamleya  ‘Ma tecrîdî bişiknê, faşîzmî birijnê û Kurdistanî azad bikerê’ ya ke rayberîya Leyla Guvene ameye girdkerdene, kewenê Menga Şehîdan a emserî. Bêşik o ke na hemleya ma ya azadîye rê Rayber Apo  û şehîdî rayberîye kenê. Eke ma wazenê şehîdan rê deynê xo bidê, ganî ma çarçeweya na hemleye de xoverdayîş gird bikerê. Dayîkê ma yê ke paştî danê nê xoverdayîşê bimbarekî raştê hêrişan yenê. La nê hêrişê hêrsê ma hîna zafêr kenê û qerardarîya ma ya xoverdayîşî vejenê werte. Gerîlayê ma yê qehramanî xo ra qesasê hêrişanê faşîstan gênê û hêrişkaran ra hesabî persenê. Nika tepişteyan dest bi rojeyê mergî kerd. Senî ke rayberîya  gerîla de xeta xoverdayîşê Rojeyê Mergî yê 14‘ Temmuze de ma ser kewtî, ma do reyna ser bikewê.‘‘