Komîteya Merkezî ya PKKyî eşkerayîya xo de venga her kesî da ke bi xurtî tewrê Hemleya 'Wext Wextê Azadîye yo' bibo, xoverdayîşê antîfaşîstî pêro waran ra vila bikero û pîl bikero.

Eşkerayîya PKKyî wina ya:

''Ma sey têgêrayîş û şar serrgêra 42 ya ronayîşê PKKyî de yê. 27ê teşrîna peyêne de partîya ma PKK 42 serran peyê xo de verdeno û keweno serra 43. Bi na wesîle ma 27ê Teşrîna Peyêne Roja Ronayîşê Partî, Roşanê Gandarbîyayîşê Neteweyî yê Rayber Apoyî, embazanê xo yê pêroyînan, şarê ma yê welatperwerî û dostananê şorişgêr û demokratîkan fîraz kenê. Ma serra 43. ya partî û têkoşînê xo de serkewtiş wazenê. Şexsê şehîdê ma yê yewînî embaz Karerî û şehîdanê ma yê serra 42. embazan Kasim Engîn, Leyla Agirî, Egîd Civyan, Amara Batman û Yilmaz Dêrsimî de pêro şehîdanê têkoşînê azadîye bi rêz, heskerdiş û minetî yad kenê. Ma sozê xo yê caardişê armancanê înan û wayîrvejîyayîşê vîrameyîşanê înan dibare kenê.

Eşkera yo ke partî û şarê ma serra 42. de têkoşînêko pîl kerd û xeylêk şehîdê qadirgiranî dayî. Nê şehîdan ra yew Endamê Komîteya Merkezî ya PKKyî û Fermandarê Warê Dêrsimî yê HPgyî embaz Yilmaz Dêrsim (Yilmaz Surgeç) bi. Embaz Yilmz Dêrsimî seba azadîya kurdan û xelisnayîşê Kurdîstanî bi hawayêkê çêrî şer kerd, bi milîtanêkê Rayber Apoyî. Embaz Dêrsimî emrê xo zafêr koyanê Dêrsimî de derbaz kerd û bi ruhê Seyîd Riza û Elîşeran.  Embaz Yilmaz Dêrsimî serrgêra dardekerdişê Seyîd Riza û embazanê ci de netîceya hêrişêkê faşîst-qirkerî de şehîd bi. Ni na wesîle ma ewladê çêrî yê Dêrsimî, şagirtê Rayber Apoyî, embazê Mazlûm û Sarayan embaz Yilmaz Dêrsimî bi rêz û hûrmetî yad kenê û vanê ke am do qesasê ey bigêrê, armancanê ci bivisnê serî.

Ma prosesê  25ê Teşrîna Peyêne Roja Têkoşînê Vera Şîdetê Serê Cinîyan de yê zî. Cinîyî Kurdîstan û dinya de vera pederşahî, sîstemê serdestîya camêrdan, tecawuz, şîdet û qirkerdişî têkoşîn kenê. Ma sey partî xoverdayîşê înan rê selam kenê û înan rê serkewtiş wazenê. Ma pê bawer ê ke nê  25ê Teşrîna Peyêne Roja Têkoşînê Vera Şîdetê Serê Cinîyan de têkoşînê vera şîdetê dewlet-camêrdî do xurtêr bibo û cinîyî do ser bikewê.

Eşkera yo ke raştîya Rayberîye û PKK serra 42. de bîyî hedefê hêrişê tasfîye û çinkerdişî ke rayberîya Amerîka de bi îtîfaqê Amerîka-PDK-dewleta tirke de yeno caardene. Nê hêrişî wazenê Vakur îmha bikerê, Rojawan û Başûr zî îşxal bikerê. Nê hêrişî topyekûnê ke sîstemê tecrîdî viste dewre, wazenê ke raştîya Rayberîye û PKKyî bêtesîr bikerê û werte ra wedarê. Vera nê hêrişanê faşîstan sere de Rayber Apo partîya ma, hêzê ma yê gerîla, têgêrayîşê ma yê cinî û ciwanan, şarê ma û dostê ma esasê stratejîya şerê şarî yê şorişgêrî ser o xo ver danê, nê hêrişan şiknenê û plananê îmha-tasfîye pûç kenê.

Hemlaya Şorişgêre ya Cengê Heftanînî derbê giranî dayî hêrişkeran ro. 12ê êlule de Konseya Rayberdişî ya KCKyî Hemleya 'Tecrîd, faşîzm, îşxalî rê bes o wext wextê azadîye yo' daye destpêkerdene. Na hemle ra dima gerîlayanê ma armanc kerd ke faşîzmê AKP-MHPyî birijnê, sîstemê tecrîd û îşkenceyî yê Îmraliyî bişiknê û merdimîye terorê faşîstî ra bixelisnê. Çar parçeyanê Kurdîstanî ra pêro perrî wayîrê na hemle vejîyayî. Hemleya ma hedef kena ke azadîya Rayber Apoyî bîyara ca û nê esasî ser o Kurdîstan azad û Tirkîya û Rojhelatê Mîyanênî zî demokratîk bikera.

Ma bi nê hawayî dekewenê serra 43. ya têkoşînê PKKyî. Seba ke verê hemleya ma bêro giretene îtîfaqê Amerîla-PDK-dewleta tirke 'Peymana Şingalî' arde rojdem û xîret keno ke hêzanê çekdaran ê PDKyî bierşawo gerîlayanê ma ser. Bi nê hawayî xîret yeno kerdene ke hemleya ma asteng biba. La nê xîret û provakasyonî do nêresê armancê xo. Çunke hemleya ma hetê kurdan ra qebul bîye û çalakîyan de xo mojnena ra.

Bi hemleya xoverdayîşî partîya ma PKK serra 43. ya ronayîşê xo de teqez faşîzmê AKP-MHPyî çin bikera. Serra 43. ya PKKyî do biba serra têkoşînê pîlî, serra rijîyayîşê faşîzmê AKP-MHPyî, serra şiknayîşê sîstemê tecrîd û îşkenceyî û serra qedînayîşê îşxalê dewleta tirke. Na serre do biba serra destkewteyan.

Nê esasî ser o ma reyna Roşanê Partîya xo yê Rayber Apoyî û pêro embazan û şarê ma fîraz kenê. Seba ke serra 43. ya PKKyî biba serra rijnayîşê AKP-MHPyî, serra têkoşînê pîlî, serra rijîyayîşê faşîzmê AKP-MHPyî, serra şiknayîşê sîstemê tecrîd û îşkenceyî û serra qedînayîşê îşxalê dewleta tirke, serra azadîya Kurdîstanîma venga her kesî danê ke tewrê Hemleya 'Wextê Azadîye' bibo, xoverdayîşê antîfaşîstî pêro waran ra vila bikero û pîl bikero.''