Komîteya Rayberdişî ya PKKyî bi eşkerayîyêke beşdarê şayîyanê Newroze selam kerdî.

Eşkerayîye wina ya:

''Şarê ma û dostê ma rixmê vewre û varanî weriştî payan ser û dormeyê Rayber Abdullah Ocaalnî de ameyî yewca. Botanî ra heta Serhedî, Zagrosan ra heta Dêrsim, Amed, Îstanbul, Adana û Îzmîrî, Qamişlo ra heta Reqa, Kerkûk, Qendîl, Hewraman û Merîwane, Ewropa ra heta Asya, Afrîka, Amerîka, çar parçeyanê Kurdîstanî û çar hetanê dinya bi desan milyonan merdimî herikîyayî kuçeyan û meydanê Newroze dekerdî, azadîya Rayber Apoyî waşte. Sîstemê îşkence û tecrîdî yê Îmraliyî parçe kerd, Rayber Apo xo resna bi mîlyonan.

Ma her keso ke meydanî kerdê de û azadîya Rayber Apoyî waşta selam kenê. Têkoşînê azadîye û demokrasî de ke serra 50. ya têkoşînî de ma înan rê serkewtiş wazenê. Eşkera yo ke çîyêk xo bi xo nêbeno. Her çi bi têkoşînê partîya ma û gerîlayan beno. Şarê ma û dostanê ma serkêşîya cinî û ciwanan de meydanî dekerdî û tewir û îradeyê xo mojna.

Newroze de cewabê vatişê 'Ma gerîlayî qedînayî, PKK tasfîye kerd' dîya. Hînî mumkîn nîyo ke sîstemê Îmraliyî dewam bikero. Hetê bînî ra opurtunîstê ke vatêne 'Şar şikîyayo, nêeşkeno têkoşîn bikero' înan zî cewabê xo girewt. Hînî ê zî nêeşkenê pê propaganda û astengkerdişî meridman têmîyan bikerê û paştî bidê îxanetî. Ma mesajê Newroze yê şar û dostanê ma fam kerd. Wextê verê ma de ma do wezîfeyanê xo yê serekeyan bîyarê ca, wezîfeyê perwerdekerdiş, rêxistinkerdiş û sewqkerdişê şarê xo bi xurtî bîyarê ca.

Ma bi xurtî kewenê serra 50. ya Rayberîye û Partîye. Komêka xayîne ra ber bi desan mîlyonan merdiman mojna ke ê hewceyê cuya azade û azadîya Rayber Apoyî yê. Naye ra pey wa şarê ma her roje bikero Newroze. Wa şarê ma bi vatişê 'her roje Newroze, her ca cayê xoverdayîşî' têkoşîn bikero.

Senî ke 8ê Adare xo resna Newroze, wa Newroze zî xo biresna 4ê Nîsana, 1ê Gulane, Menga Şehîdan. Serra 50. ya Rayberîye û Partîye bikerê serra têkoşînê xurtî û serra serfîrazîye. Şayîyanê Newroze ya 2022yî Newroze kerde Newroza yewîye, xoverdayîş û roşanê azadîye yê şaran. Coka na Newroze do tesîrê bi desan serran û seserran bikera. Na Newroze wina tesîr bikera ke îradeyê azadîye û xoverdayîşê şarê ma do yewîye û wayûbiratîye bîyara. Sere de cinî û ciwanî, karker û kedkarî hewcedarîya nê mesajî do bîyarê ca.

Bi nê hawayî ma 'Roja Çêrîye ya Mîyanneteweyîye' ya Rayber Apoyî, pêro embazan, şarê ma, dostanê ma fîraz kenê. Ma venga pêro kesan danê ke temamîya Hewteyê Çêrîye de, ruh û xoverdayîşê Newroze rê dewam bikerê. Ma fermandarê xo yê bêmergî embaz Mahsum Korkmazî serrgêra 36. ya şehadetê ci de bi hurmet, heskerdiş û minetî yad kenê. Ma reyde sond wanenê ke armancê ey bîyarê ca û vîrameyîşê ci bidê ciwîyayene.

Seke zanîyeno roja ma ya çêrîye û roja şehadetê embaz Egîdî 28ê Adare de sey 'Hewteyê Çêrîye' resenê pê. Na Newroze bi manaya raştikêne tam bîye Newroza serfîrazîye. Tam bîye 'Newroza Rayberîye.' Şarê û dostanê ma mojna ke ê do seba azadîya Rayber Apoyî heta peynî têkoşîn bikerê Nika zî ma 'Roja Çêrîye' pêşwazî bikerê. Ma xo bikerê Egîd û têkoşînî xeta serfîrazîye de geş bikerê.

1ê Nîsane bena serrgêra 14. ya şehadetê embaze Nûda Karker, Endamê Komîteya PKKyî, Endamê Komîteya Merkezî Ferhat Dêrsim û embaz Halîl Dagî. Şexsê embaze Nûda, Ferhat û Halîlî de ma pêro şehîdanê xo bi rêzdarî, heskerdiş û minetî yad kenê. Ma sond wanenê ke armancê înan bîyarê ca û vîrameyîşê înan bidê ciwîyayene. Ma venga şarê xo û dostanê xo danê ke xeta Rayberîye û şehîdan de bi qerardarî şorê û Roja Çêrîye bikerê Newroze.''