Komîteya Tekîlîyanê Teberî ya PKKyî derheqê trajedîya sînorê Belarus-Polonya de eşekrayîye daye. Eşkerayîye de ame vatene ke na trajedî rîyê îqtîdarê 30 serran ê Başûrê Kurdîstanî, dewletanê teberî yê îşxalkeran û bitaybetî zî dewleta tirke ra qewimîyena. Komîte bale ante ser ke goreyê bîlançoya yew serre 30 hezarî ra zafêr kesan bar kerdo û vat: ''No yew nîşanê hîşyarî yo ke do tesîrê serê ameyoxê şarê ma bikero.''

Eşkerayîye de ame vatene ke di sebebê barkerdişî estê û nê ameyî vatene: ''Sebebo verên şarê ma yê Başûrê Kurdîstanî semedê edalet, demokrasî, azadîye û welatperwerîye têkoşînê xo pîlêr kerd û netîceya ci de serra 1991î de  xeyrê Serhildananê Raperînî xoverdayîş resa tîtîkî û leteyê welatê ma Başûr bi wayîrê statuyî. La rixmo ke serrî ravêrtî edelat, azadîye, seypêyîye, demokrasî û azadîya fîkr û îfadeyî nêameye destfînayene û  rîyê bêkarîye, krîzê ekonomî û problemanê wînayênin ra şaro ke semedê ameyoxê xo bêhêvî yo qesawet keno dest pê barkerdişî kerd.

Sebebê diyînî zî dewleta tirke ya îşxalkere pê hetkarîya înanê ke herra Başûrê Kurdîstanî senî ke xo rê kîra bikerê, Başûrê Kurdîstanî îşxal kena û tede grûbanê cîhadî yê radîkalan ca kena. Rîyê naye ra mafya, ajanî û qaçaxçîyî rayîranê barkerdişî ramojnenê şarî. Bitaybetî zî ciwanan ser o tesîr kenê. Bi nê metodanaê îşxal û bakrkerdişî yeno waştene ke demokrafîya Başûrê Kurdîstanî bêro bedilnayene û nasnameyê kurdî ra bêro esternayene û bibo cayê warê faşîzmê dewleta tirke. No metodêko plankerde yê şerê taybetî yo ke pê ci yeno waştene ke Başûrê Kurdîstanî bêro vengkerdene.''

Komîteya Tekîlîyanê Teberî ya PKKyî bale ante vatişanê îdarkaranê PDKyî ra Sefîn Dîzeyî ser û vat: ''Birêz Sefin Dizeyî herinda vînayîşê nê raştîyan de seba ke şikanê serê PDKyî wedaro û înan pak ramojno Têgêrayîşê Azadîye yê Kurdîstanî sûcdar keno.''

Komîte wina veng da: ''Ma veng danê şarê xo bitaybetî zî veng danê ciwanan; welatê xo cameverdê. Hêzê xo semedê edalet, azadîye û demokrasîyî bişuxulnê. Eynî qeyde ma veng danê hêzanê Başûrê Kurdîstanî; wa hinî fehm bikerê ke rîyê sîyasetê înan ra no şar bar keno. Semedê hetkarîya kurdan ê ke mehsur mendî ganî metod û rayîrê raşt bêrê vînayene. Ma veng danê îqtîdarê PDKyî. Na rewşe wa rind fehm bikero. Berpirsîyarîya xo wa meerzo milê yewnayî. Herinda naye de sey berpirsîyarê verênî gamê ke hewce kenê bierzê. Ganî şertê azadîye, asayîş û cuya birûmete semedê heme şarî bêrê tesîskerdene û sebebê barkerdişî werte ra bêrê wedaritene.''