Komîteya Merkezî ya PKKyî derheqê şehadetê Çîçeke Botan û Dilgeş Botanî de beyanatêko nuştekî weşana. Beyanatê PKKyî wina yo:
"Ma serrgêra 41. a ronayîşê partîya xo de musayê ke embaza ma, endama Komîteya Merkezî ya PKKyî, endama Konseya Fermanî ya HPGyî û YJA-Starî û Fermandara Dêrsimî embaze Çîçeke Botan (Hacer Kaya) û mîlîtano ercaye yê partîya ma Dilgeş Botanî (Mehdî Kaplan) 4ê teşrîna verêne de Pilemurîya Dêrsimî de pêkewtişê mabênê hêzanê ma û Artêşa TCyî ya faşîste de bi hawayêkê çêrî şer kerd û şehîd kewtî. Sere de şehîde Çîçeke û şehîd Dilgeş ma pêro şehîdanê xo bi rêzdarî û mînetdarî yad kenê û ma soz danê ke ma do vîrameyîşê înan bidê ciwîyayene û armancê înan bi serkewtişî bîyarê ca.
Ma embazanê xo endama Komîteya Merkezî ya PKKyî Şîlane Kobanê, suat, Cemîl, Zekerîya û Ciwan yad kenê ke 29ê teşrîna peyêna 2004î de şehîd kewtî. Embazê ma mîyanê serkewtiş û rastîya Rojawanî de ciwîyenî.Roja 25ê Teşrîna Peyêne Roja Têkoşînê Vera Şîdetê Serê Cinîyan de ma selam danê ê cinîyan ê ke vera sîstemê îqtîdar û serdestîya camêrdan, vera zîhnîeytê nê sîstemî seba cinîya azade û komelê demokratîkî têkoşîn kenê.
Embaza ma Çîçeke Botan serranê xo yê ciwanîye de tewrê gerîlayan bîye û 28 serrê xo dayî têkoşînê azadîya şarê xo û cinîyan. Emaza ma Çîçeke Botan pêro wezîfeyê xo bi hîsgerîya xeta Apoyî ardî ca û Botan, Zagros û Dêrsimî de bîye fermandarêka bêhempa. Çîçeke Botan şerwanêke bîye ke seba averşîyayîşê gerîlatîya cinîyan û xopawitişî rolê rayberîye girewt xo milî. A fermandarêke bîye ke her kes ci ra zaf hûrmet kerdêne û hes kerdêne. Çîçeke Botane fermandara YJA-Starî û mîlîtana PKK-PAJKî bîye ke bi mutewazîtî, jêhatîye û tewirê xo zerrîya her kesî de bîye wayîra cayêkê taybetî.
Partîya ma, hêzê ma yê gerîlayan, têgêrayîşê ma yê cinîyan û ciwanan, pêro şarê ma yo welatperwer serra 42. a PKKyî şexsanê embazanê ma Çîçeke û Helmetî de seba şehîdanê ma do bika serra qesasî, îqtîdarê AKP-MHPyî yê faşîstî çin bikê û xezêka serkewtişî awan bikê ke tede Kurdîstan û Rayber Apo do azad bibê. Nê esasî ser o ma reyna embaza ma Çîçeke Botan bi rêzdarî û mînetdarî yad kenê û ma venga pêro cinîyan, şarê xo û hêzanê demokratîk danê ke seba vîrameyîşê Çîçeke Botan têkoşînê demokrasîyî û azadîye berz bikê. Ma venga pêro ciwanan bi taybetî cinîyanê ciwanan danê ke tewirê YJA-Starî bibê û bi fermandarîya Çîçeke Botan seba azadîye şer bikê û ser bikewê! Vîrameyîşê embaze Çîçeke Botan a ke sembola fedakarîye û çêrî ya sondê ma yê serkewtişî yo! Embaze Çîçeke Botan xoverdayîşê serra 42. ê serkewtişî de do biciwîya!"