Komîteya Têkilîyanê Teberî ya PKKyî derheqê alozîyanê mîyanê YNKyî de eşkerayîye daye.

Eşkerayîye wina ya:

''Hêvî û bawerîya ma a ya ke krîzo îdareyî yo ke mîyanê YNKyî de vejîya û her ke şino zêdîyeno goreyê mekanîzmaya raye ya partîye, esasê mesuldarîyan ê huqûqîyan ê partîye û neteweyîye bêra çareserkerdene.

Partîya YNKyî ya ke Birêz Celal Telabanîyî ronaye qasê têkoşînê neteweyî yê Kurdîstanî de, warê azadîye û demokrasî de zî wayîra tewirêkî ya. Seba pêro kurdan û dostanê înan hema zî rol û mîsyonê YNKyî dewam kenê. Rojanê peyênan de meseleyê ke qewimîyayê, bingeyê dîyalogan de ganî bêrê çareserkerdene. YNK Başûrê Kurdîstanî de û parçeyanê bînan ê Kurdîstanî de partîyêka wayîrqîmet a. Xebatanê yewîya neteweyî de, çareserîya meseleya kurdan a zereyî de wayîrê rolêkê dîyarkerî yo. Ganî nê esasî ser o rol û pawitişî verî ke erey bo ganî çareser bibê.

Wexto ke merdim ewnîyeno nê konjekturî vîneno ke destkewteyê kurdan binê tehlukeyî û rîskanê pîlan de yê. Prosesêkê winasênî de ganî tewirê sûcdarkerdişî, zerardayîşê erjanê demokrasî ra bêro dûrvindertene û organê partîye bikewê dewre, mesele çareser bikerê. Rewşa nikayêne ya YNKyî tesîrê xebatanê ameyoxî bikera. No zî partîye reyde zerar bido dewaya azadîye demokrasî ya şarê kurdî.

Ma sey partîye tim ma têkoşînê azadîya Kurdîstanî de rolê YNKyî girewt verê çimê xo û girîng dî. Ma tim girêdayeyê nêzdîbîyayîşê çareserî û hîşmendîya hempare ya çareserkerdişê meseleyan ê Birêz Celal Telabanî, Îbrahîm Ehmed û Rayber Apoyî bîyî. Semedo ke YNK na xete ser o şîyayîşê xo rê dewam bikero çi erk bikewo milê ma, ma do bîyarê ca. Cade mesele û alozîyî newe ra dişmenê şarê kurdî kêfweş mekerê û zerar nêreso YNKyî ser wa bêrê çareserkerdene.''