Komîteya Paştdayîşê Keyeyanê Şehîdan a PKKyî Fermandar Denîz Demîr (Serhed Denîz Tendurek) o ke 20ê çeleyê 2019î de Xakurkê de şehîd bi yad kerd.

Eşkerayîye wina ya:

''Hemrayê ma yo sînaye û fermandarê ma, domanê Gilîdaxî, serkêşê şorişî, embaz Serhed Denîz Tenturek ( Denîz Demîr) 20ê çeleyê 2019î de Xakurkê de hêrişê dewleta tirke de tewrê kerwanê şehîdan bi. Fermandarê Xakurkê  eyaletê Xakurkê de heta dalpaya peyêne ya gonîya xo mucadele kerd. Hela peyêne de semedê  pawitişê embazanê xo, bi hewayêkê fedayîyî xo eşt vernî û bale teyarayan ante xo ser.

Hemra Serhed serra 1982î de qezaya Tutaxî ya Agîrî de keyeyêko welatperwer de ame dinya. Bi terbîyeyê xurtî yê keyeyê xo manevîyat û kulturê şarê xo bi pîl. Ciwanîya xo de tewrê xebatanê ciwanan bi. Bi zanayîş hîsgêrîya xo bi seyan ciwanî rêxistin kerdî û înan rê mehlimîye kerde. Ciwanîya xo de wezîfeyê pîlî girewtî xo ser û heme bi serkewtişî ardî ca. heta nefesê xo yê peyênî bicoş û moralê pîlî serkêşîye kerde. Badê xebatanê ciwanîye dest pê xebatanê çapemenîye kerd. Çapemenîye û warê îdeolojî de xebetî rayra berdî.  Bi waştişê xo tewrê felîyetanê leşkerî bi û demo kilm de bi fermandarêko serkewte. Serranê dergan de bi şerwananê neweyan eleqedar bi û ê perwerde kerdî. Vera dişmenî hêrsê ci hendê koyê Gilîdaxî pîl bi. Semedê mucadeleyê bimbarekî keda pîle daye. Hemra Serhedo ke bi embazanê xo rê zaf girêdaye bi tim xebatanê zehmetan de ca girewtêne. Seba ke barê embazanê xo bikero şenik çi ke destê ci ra ameyêne kerdene.

PKK de tekîlîyê hemrayîye heqîqet îfade kenê.  Embaz Serhed, germin, mutewazî, kedkar, zervêşaye, rêzdar û embazanê xo rê girêdaye bi. Merdimê heqîqetî bi. Zaf zaneye bi û xeta Rayber Apoyî mîlîtanêko  qerardar bi. Ma sey Têgêrayîşê Azadîye yê Kurdîstanî sere de keyeyê hemrayê ma û heme şarê kurdî rê serweşîye wazenê. Sozo ke ma dayo Rayber Apo û şehîdan ma newe kenê û şexsê Serhed Tendturekî de vanê: Wa bimiro îşxalkerîye û hemkarîya dewleta tirke! Şehîdî nêmirenî! Wa biciwîyo PKK,wa biciwîyo Serek Apo!''