Komîteya Paştdayîşê Keyeyanê Şehîdan a PKKyî bi eşkerayîyêke serranê verênan ê PKKyî ra heta ewro hîrê Şerîfê ke eynî keyeyî ra tewrê gerîlayan bîyî û şehîd kewtî, yad kerdî.

Badê ronayîşê PKKyî hînî bawerîya kurdan estbî ke Kurdîstan do xoser û azad bo. Nînan ra yew zî Omer Arslan yanî Şerîf bi. Keyeyê Omerî rêxistinanê remformîstan rê nêzdî bi la Omerî zî sey PKKyî keyeyê xo de çîyo newe dabi destpêkerdene. Bado ke o tewrê têgêrayîşê azadîye bi dara welatperwerîye ya keyeyî pind kerd û gileyê neweyî ameyî ver. Eşqê azadîye heme keyeyî ra vila bi û heta nesîlanê neweyan ame.

Omero ke 1961 Amed e ame dinya  êlula 1979î Erganî de tewrê perwerdeyê PKKyî bi. Hetêkî ra kadroyanê PKKyî ra raştîya Kurdîstanî musayêne hetê bînî ra mekted û keyeyê xo giranîye dayene rêxistinbîyayîşî. Xeyrê propoganadayê ci xeylêk kesî tewrê PKKyî bîyî. Erganî de paştî dayêne gerîlayan. 1980î de Erganî de vera qerarqolî çalakîye ameye kerdene.  Operasyon de Omer sey şikdar ame destbendkerdene û vera îşkenceyan xover da û serbest ame veradayene. Dima gerreyê ci ame kerdene û qerarê tepiştişê ame girewtene. 1982 de Omerî verê xo da koyanê azadan. Badê perwerdeyî şi warê Lubananî û wextêko kilm zî warê Rayberîye de mend û perwerdeyo leşkerî girewt. Omer 1993 agerê welat û heta 1985 herêma Amedî gureya. Tewr zaf şiyînî dewanê dimilkî (zazakî/ kirdkî) qisey kenê. Dimilkî zî musabi. Hetê şarî ra zaf ameyêne heskerdene. Wexo ke vatene embaz Şerîf yeno şayî kewtênê mîyanê dewijan. Omer dima ra pîya  bi şeş embzanê xo şi Semsûr û şewa Newroza 1986î de vengdayî kerde. Kilaya petrolî yê îstasyonê embarî tede çalakîye ameye kerdene heme bajar kerde roşt. A şewe şarî û gerîlayan pîya Newroze bimbarek kerde la dişmen bi heme hêzê xo kewt dimayê na grûbe. 14ê gulane de gerreyê grûbe ame kerdene û cayê înan ame tesbîtkerdene. Vera di gerîlayan HRKyî bi hezaran leşker û polîsan guleyî varnayêne.Seba ke polîsêk merd û polîs û leşkerî birîndar bîyî helîkopterî zî ameyî wiriştene. Pêde pêde cepilxaneyê Omer û hemrayê ci Îbrahîmî bi kêm û wird zî bibî birîndar. Înan zaf hol zanayêne dişmen wazeno wirdan zî weş tepişo.  Coka heta guleyê xo yê peyênî xover da û tewr peynî de bombaya xo, xo ser teqna. Xovedayîşê Omer Asrlan (Şerîf) û Îbrahîm Erkenekî Semsûrî ra heme welatî ra vila bi û tarîx de cayê xo girewt.

Hîkayeya Şerîfî hetê birarzayê ci Welat Şîyar Arslanî ra ameye dewam kerdene. Ey zî bado ke 8 mengî zîndan de mend, sey apê xo Şerîfî ke bi hesretîya ci ante verê xo da koyanê azadan. 16 serre nameyê Şerîfî girewt û sibata 1994î Ame de gerîlayan reyde ame têhet. Fermandaranê gerîlayan ra goş nayêne hîkayeya apê xo ser û parçeyê ke nîmcet mendî sereyê xo de kerdêne temam. Welatî rêça apê xo de game pîlî eştene û çalakîyê serkewteyî kerdêne. Nameyê Şerîfî hînî romanêko nêqedîyeno û hîkayeye bi hînî.  Badê çalakîyêka serkewteyî fermandarê gerîlayan Welatî ra vat to herinda apê xo kerd de, Şerîfo newe hînî ti yê. Şerîf seba ke bibi layiqê apê xo keyfweş bi. Şerîf Dêrsim sey fermandarê manga gerlatîye kerd û morê xo da binê çalakîyanê serkewteyan ro. Dewro peyên de Fermandarê Eyaletî yê Dêrsimî Îsa Dêrsim (Orhan Abay) dir têgereno. 9ê adara 2000î de Şerîf pîya bi amezanê xo ginayî dama dişmenî ro. Badê pêkewtişê dergî sere de fermandar Îsa Dêrsim, Şerîf Erganî û 7 embazê ci tewrê kerwanê şehdan benê.

Keyeyê Arslanî xeberê şahdetî erey bîgero zî cenazaya Şerîfî girewt û Erganî de bi merasîmêkê pîlî defin kerd. A roje birayê qijî zî soz da ke do bibo Şerîf. Sey cemreyê xoza soz verî mezge de, dima zerrî de û bado zî wexto ke roja ci ameye pratîk de yeno caardene. Birayo qij zî rêça şerîfan de kewt rayîr. Hîkayeya hîrê Şerîfan senî qedîyena nîna zanayene la na dewa do  heta azadîye dewam bikera.