Komîteya Xebatanê Şehîdan a PKKyî pê eşkerayîyêke Mehmet Habîp Ozdaş (Rêber Amed)o ke 1997 de Garzan de pê xoverdayîşî şehîd bîyo yad kerd. Eşkerayîye wina ya:

''Şarê Kurdîstanî pê zaneno ke  prosesê têkoşînê şorişgêrî yê Kurdîstanî game bi game, pê bedelanê pîlan ame afernayene coka seba nê bedelî pêro fedakarîye keno. Erjê ke her serre pê ked û bedelanê pîlan yenê  afernayene netîceyê nê tewirê şarê kurdî yê.

Şehîdê ke afernayoxê bedelan ê pîlan ê siba, ewro û vizêrê ma virazenê. Wezîfeyê ma yo tarîxî yo ke tim ma şehîdan yad bikerê û bidê yadkerdene.

Her roja tarîxê têkoşînê ma pê xoverdayîşan pirr a. Têkoşînê ma yê nêmseserrî yê vera îşxal, kolonyalîzm û faşîzmî şarî dormeyê xo de ardî pêser. Her cayê welatî ra ciwan, kokim û cinîyî tewrê têgêrayîşê ma bîyî. Bi taybetî serranê 90an de tewrbîyayîşê girseyî qewimîyayî. Nê kesanê ke o çax tewrê PKKyî bîyî na asta têkoşînî afernaye. Raştîya şehadetî ya têgêrayîşê ma wina ya. Xûlasa semedo ke ma ewroyî fam bikerê ganî biewnê vizêrî. Bi hezaran cinî û camêrdê çêrî wayîrê gorî zî nîyê. eke şarê ma ewro wayîrê rûmetî yo bêgûman no sayê şehîdanê xeta cuya azade ya Rayberîye ra yo. Temsîlkaranê na raştîye ra yew zî embaz Rêber Amed o.

Embaz Rêber Amed (Mehmet Habîp Ozdaş) 1965 de Amed de dadîya xo ra bîyo. Serranê 1989-90an de her serre ra hemwelatîyî tewrê PKKyî bîyî. Embaz Rêber zî 1992 de tewrê gerîlayan bi. Ê prosesî de ke serewedaritişê şarî û têkoşînê gerîlayan pîya qewimîyayêne embaz Rêber Amed bi endamêko aktîf ê têkoşînê azadîye. Ey heta 1997î  xeylêk waran de vera dewleta tirke ya faşîste têkoşîn kerd. Serra 1997î de pêkewtişê vera leşkeranê dişmenî de ey bi hawayêkê çêrî xo ver da û şehîd bi.

Ma sere de keyeyê ercîyayeyî yê Ozdaşî rê pêro şarê welatperwerî yê Kurdîstanî rê serweşîye wazenê. Ma soz danê ke heta peyên wayîrê vîrameyîşanê şehîdan vejîyê û xeyalê înan ê cuya azade û welatê azadî bîyarê ca.''